पनवेल : लोकसभेच्या निवडणूकीत सरकार गुंतल्याने आचारसंहितेच्या नियमाप्रमाणे १३ दिवसांपूर्वी नगरविकास विभागाने राज्यातील अनेक महापालिका आयुक्तांच्या तातडीने बदल्या केल्या. पनवेल महापालिकेच्या आयुक्तांची याच नियमांवर बोट ठेऊन बदली करण्यात आली. परंतू १३ दिवस उलटले तरी पनवेल महापालिकेला नवीन आयुक्तांची नियुक्ती सरकारने केली नाही. आयुक्त न नेमल्यामुळे अनेक पालिकांप्रमाणे पनवेलचा कारभार विस्कळीत झाला आहे. पावसाळ्यापूर्वी शहरात होणा-या कामांविषयी अद्याप कोणताही निर्णय पालिका प्रशासनाने घेतलेला नाही. तसेच अधिकारी व कर्मचारी पालिकेत कामावर येजा करण्याची वेळ अनिश्चित झाली आहे. आचारसंहिता लागू झाल्याच्या पहिल्याच दिवशी तत्कालिन आयुक्तांनी प्रभागदौरा करुन ज्याठिकाणांवर कारवाई केली होती, त्याठिकाणी आयुक्तांची बदली होताच पुन्हा राजकीय बस्तान बसायला सुरुवात झाली आहे. सध्या मुख्यमंत्री लोकसभेत गुंग आणि पालिकेचा कारभार रामभरोसे असे चित्र पनवेलमध्ये आहे. 

हेही वाचा : पनवेल: आर्थिक वर्षात ३६० कोटी रुपयांचा मालमत्ता कर वसूल

Kolhapur Municipal Corporation works are slow But defame the government says Rajesh Kshirsagar
कोल्हापूर महापालिकेची कामे संथगतीने; पण बदनामी शासनाची – राजेश क्षीरसागर
Distressed by Kapil patil s Defeat, Bhiwandi lok sabha seat, bjp office bearer Sanjay Adhikari Commits Suicide, bjp office bearer Commits Suicide in Shahapur, lok sabha 2024, bhiwandi news,
कपिल पाटील यांच्या पराभवामुळे आलेल्या नैराश्यातून तरूणाची आत्महत्या, शहापूरमधील घटना
As the posts of Police Inspector level officers are vacant the process of promotion is started by the office of the Director General of Police
सहायक पोलीस निरीक्षकांसाठी आनंदाची बातमी…. पदोन्नतीची प्रक्रिया अंतिम…..
Letter of district officials of Khed to Election Commission regarding Collector Dr Suhas Diwas Pune
जिल्हा प्रशासनात ‘लेटर बॉम्ब’ : जिल्हाधिकारी डॉ. सुहास दिवसेंचे राजकीय नेत्यांची घनिष्ठ संबंध; खेडच्या प्रांताधिकाऱ्यांचे निवडणूक आयोगाला पत्र
maha vikas aghadi officials raise ichalkaranji pending issue infront of municipal administration
इचलकरंजीतील प्रलंबित प्रश्‍नांवरुन महाविकास आघाडीच्या पदाधिकार्‍यांकडून महापालिका प्रशासन धारेवर
Paid parking policy ignored in Pimpri The pilot scheme has expired
पिंपरीतील सशुल्क वाहनतळ धोरण बासनात, प्रायोगिक तत्त्वावरील योजनेची मुदत संपली
Show cause notice to three officials of Kolhapur Municipal Corporation in the case of disturbance in road work
कोल्हापूर महापालिकेच्या तीन अधिकाऱ्यांना दणका; रस्ते कामातील सावळा गोंधळ प्रकरणी कारणे दाखवा नोटीस
Unsanitary conditions, Ichalkaranji,
इचलकरंजीत अस्वच्छतेचे साम्राज्य; आंदोलकांकडून अधिकारी धारेवर

१३ दिवसांपासून महापालिका आयुक्तांचे पद रिक्त आहे. अशीच स्थिती इतर महापालिकांमध्ये आहे. लोकसभा निवडणूकीत गुंतलेल्या मुख्यमंत्र्यांकडेच नगर विकास विभागाचा कारभार असल्याने अद्याप लोकसभा मतदारसंघात उमेदवार नेमून नाराजांची मनधरणी करण्यात गुंतलेल्या मुख्यमंत्र्यांना आयुक्त नेमण्यास वेळ नाही अशी चर्चा प्रशासकीय अधिका-यांमध्ये सूरु आहे. आयुक्त नेमण्यासाठी वेळ नाही की लोकसभेच्या निवडणूकीनंतर विधानसभा निवडणूकीत मर्जीतील आयुक्त मिळत नसल्याने गोंधळाची स्थिती सरकारमध्ये निर्माण झाल्याचे बोलले जात आहे. ज्या तातडीने आयुक्तांची बदली केली त्याच गतीने नवीन आयुक्त सरकारने का नेमले नाहीत असा प्रश्न प्रशासकीय अधिका-यांकडून विचारला जात आहे. सरकारकडून आयुक्त पदावर नवीन नियुक्तीसाठी करत असल्याच्या विलंबासोबत ज्यांच्या खांद्यावर आयुक्त पदाचा कारभार तात्पुरता सोपविला आहे. त्या अतिरीक्त आयुक्त पदावरील व्यक्तींना त्यांच्याकडील तात्पुरता कारभार असल्याने हे काम करण्यास रस नसल्याचे चित्र आहे.

हेही वाचा : नवी मुंबई: भीषण अपघातात एकाचा मृत्यू, आरोपी फरार

पनवेल महापालिकेमध्ये पावसाळ्यापूर्वी अनेक कामे मार्गी लावणे गरजेचे आहे. पावसाळ्यापूर्वी शहरातील सर्व गटारे स्वच्छ करणे हे त्यामधील सर्वात महत्वाचे काम आहे. आचारसंहितेच्या काळात या कामांसाठी सुद्धा निविदा प्रक्रीया पार करण्यासाठी निवडणूक आयोग व सरकारचा अभिप्राय घेणे महत्वाचा आहे. तसेच महत्वाच्या कामांची निविदा प्रक्रीयेत तांत्रिक अडचणी व धोरणात्मक निर्णय हे आयुक्त स्वता घेतात त्यांच्या अभिप्रायाशिवाय ही कामे केली जाऊ शकत नसल्याने ही कामे थांबली आहेत. नगरविकास विभागातील उच्चपदस्थ अधिका-यांना कोणतेही निर्देश सरकारकडून मिळाले नसल्याने त्यांच्याकडूनही कोणताही निर्णय घेण्यात आला नाही. आयुक्तांसोबत अतिरीक्त आयुक्त, उपायुक्त या पदांवर अनेक अधिकारी नेमणूकीच्या प्रतिक्षेत आहेत. सरकार निवडणूकीत उमेदवारांच्या नाव ठरविण्यात व्यस्त असल्याने आयुक्तांसह इतर प्रशासकीय अधिका-यांच्या नेमणूका कधी करणार याकडे सगळ्यांचे लक्ष लागले आहे.