VIDEO : वाशी खाडी पुलावर वाळूचा डंपर पलटी, पनवेल ते शीव मार्गावर अभूतपूर्व वाहतूक कोंडी

आज (शनिवारी) पहाटे सहा वाजून वीस मिनिटांनी हा अपघात घडला. वाळू खडी रस्त्यावर अस्ताव्यस्त पडल्याने मुंबई कडे जाणाऱ्या तिन्ही मार्गिकेवरील वाहतूक ठप्प झाली. पहाटे पासूनच मराठवाडा, पश्चिम महाराष्ट्र गोवा भागातील शेकडो प्रवासी बस तेवढीच हलक्या गाड्या आणि नियमित होणारी वाहतूक यामुळे सुमारे अर्धा तास पूर्णपणे ठप्प झाली. ही वाहतूक कोंडी वाशी पथकर नाका ते उरण फाट्या पर्यंत म्हणजे सुमारे आठ किलोमीटर पर्यंत  पोहचली होती.

VIDEO ::

हेही वाचा >>> नवी मुंबई पनवेल परिसरात महावितरणचे १२ इलेक्ट्रिक वाहन चार्जिंग स्टेशन कार्यान्वित

सध्या वाळू खाडी काढण्याचे काम अंतिम टप्प्यात आले असून गाड्या धिम्या गतीने सोडल्या जात आहे. एक मार्गिका मोकळी करण्यात आली आहे. लवकरच पूर्ण रस्ता सुरू करण्यात येईल. अशी माहिती वाहतूक विभागाचे वरिष्ठ पोलीस निरीक्षक भानुराव देशमुख यांनी दिली. वाहतूक पूर्णपणे सुरळीत होण्यास किमान दोन तास तरी लागतील.सद्य परिस्थितीत सानपाडा पर्यंत वाहतूक कोंडी आहे