scorecardresearch

Premium

नवी मुंबई : शहरातील पे अँड पार्किंगमध्ये होतेय नियमांचे उल्लंघन, वाहनतळाचा व्यवसायिक वापर

नेरुळ मधील वाहनतळावर गॅस वितरणाचा व्यवसाय थाटण्यात आला आहे तर कोपरखैरणे रेल्वे स्थानकाबाहेर गाड्या उभ्या करून फेरीवाल्यांचा व्यवसाय सुरू आहे.

Violation of rules pay and parking
शहरातील पे अँड पार्किंगमध्ये होतेय नियमांचे उल्लंघन

नवी मुंबई : नवी मुंबई शहरात सिडकोच्या वतीने  रेल्वे स्थानकाबाहेर पे अँड पार्किंगची व्यवस्था करण्यात आली आहे. मात्र  याठिकाणी नियमांचे उल्लंघन करून पार्किंगच्या जागेत वाहने उभी करून व्यवसायिक वापर वाढत चालला आहे. नेरुळ मधील वाहनतळावर गॅस वितरणाचा व्यवसाय थाटण्यात आला आहे तर कोपरखैरणे रेल्वे स्थानकाबाहेर गाड्या उभ्या करून फेरीवाल्यांचा व्यवसाय सुरू आहे.

नवी मुंबई शहरात सिडकोकडून अद्ययावत अशी रेल्वे स्थानके उभारली आहेत. तसेच या रेल्वे स्थानकालगत प्रवाशी वाहन चालकांना वाहने पार्क करण्यासाठी सुलभ पे अँड पार्क तत्वावर वाहनतळ उपलब्ध करून दिले आहे. हे वाहनतळ खासगी ठेकेदारांच्या माध्यमातून चालविले जात आहेत.  या करिता अटी शर्तीच्या अधीन राहून चालविण्यासाठी मुभा दिली आहे. मात्र याकडे दुर्लक्ष होत असून हे वाहनतळ व्यवसायिक जागा बनत चाली आहे. कोपरखैरणे रेल्वे स्थानकाबाहेर पार्किंगच्या जागेत टेम्पो उभा करून वडापाव विक्रीचा व्यवसाय सुरू आहे.

10 fast local trains on Central Railway from Dadar station towards Kalyan as per new schedule
मध्य रेल्वेवर दहा जलद लोकल, नव्या वेळापत्रकानुसार दादर स्थानकातून कल्याणच्या दिशेने फेऱ्या
Improper planning of flyover construction in North Nagpur objection of North Nagpur Senior Citizen Forum
“उत्तर नागपुरातील उड्डाण पूल बांधकामाचे चुकीचे नियोजन,” नॉर्थ नागपूर सिनियर सिटीझन फोरमचा आक्षेप
CIDCO beneficiaries in Pendhar angry over CIDCO board not handing over flats
पेणधरमधील सिडकोच्या लाभार्थींना सदनिकांचा ताबा मिळेना
Unauthorized sale of cigarettes gutkha in railways by unemployed Nagpur
बेरोजगारांकडून रेल्वेत सिगारेट, गुटख्याची अनधिकृत विक्री; वर्षभरात ३६९३ विक्रेत्यांना अटक

हेही वाचा >>> पनवेल : शांतता कमिटीच्या बैठकीत पोलिसांच्या चिरिमिरीचा जाहीर आरोप

तर नेरुळ येथील पे अँड पार्क मध्ये चक्क गॅस वितरणाचा व्यवसाय थाटण्यात आला आहे. त्यामुळे याठिकाणी आगीची घटना घडल्यास मोठा धोका उद्भवण्याची शक्यता आहे. या ठिकाणी वाहन पार्क करण्यासाठी आलेल्या वाहन चालकांना जागा भेटत नाही. तसेच या ठिकाणी भंगार रिक्षा व इतर जड वाहने उभी करून जागा अडवून ठेवली आहे. याकडे सिडको प्रशासनाचे दुर्लक्ष होत असून इतर वाहन चालकांना याचा त्रास होत आहे. यावर कारवाई करण्याची मागणी होत आहे.

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Violation of rules pay and parking in the city commercial use of the parking lot ysh

First published on: 16-06-2023 at 17:26 IST

आजचा ई-पेपर : नवी मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×