scorecardresearch

Premium

डहाणू शहरातील प्रवास खड्डय़ांतून

शहराकडे येणारे मुख्य रस्ते खड्डेमय झाले असून रहिवाशांना खड्डय़ातून ये-जा करावी लागत आहे.

डहाणू शहरातील प्रवास खड्डय़ांतून

पादचाऱ्यांची चालताना कसरत, चारचाकी वाहनांच्या रस्त्यावर रांगा

डहाणू : शहराकडे येणारे मुख्य रस्ते खड्डेमय झाले असून रहिवाशांना खड्डय़ातून ये-जा करावी लागत आहे. पावसाळ्यात तर रस्त्याची अवस्था दयनीय असून वाहनचालक तसेच पादचाऱ्यांना मोठी कसरत करावी लागत आहे. येथून जाताना खबरदारी घ्यावी लागत असल्याने चारचाकी वाहनांची लांबच लांब रांग लागते. मात्र दरवर्षीचा अनुभव लक्षात घेता डहाणूचे रस्ते पूर्ववत करण्याची नागरिकांची मागणी आहे.

डहाणू स्थानकाकडे जाणाऱ्या मुख्य रस्त्यावर वाहनांची संख्या प्रचंड असते. मात्र मुख्य रस्त्यावरच मोठमोठाले खड्डे पडल्याने वाहतूकदारांना दररोज जागोजागी वाहतूक कोंडीला सामोरे जावे लागत आहे. मसोली, वडकून रोड, थर्मल पॉवर रोड, लोणपाडा येथे मोठय़ा प्रमाणात खड्डे पडले असून रस्त्यावरील खडी बाहेर पडून तळी बनली आहेत. त्यामुळे या मार्गे प्रवास करणाऱ्या प्रवाशांना त्रास सहन करावा लागत आहे.

vistadome trains marathi news, vistadome coaches marathi news, passengers giving preference to vistadome trains marathi news
प्रवाशांना खुणावतोय ‘व्हिस्टाडोम’, प्रवासादरम्यान आनंद घ्या निसर्ग सौंदर्य अन् नयनरम्य दृश्यांचा!
fatka gang
दिवा रेल्वे स्थानकात फटका गँगमुळे प्रवाशाने गमावला हात, ठाणे रेल्वे पोलिसांनी केली चोरट्यास अटक
Inauguration of Panvel Margike on Shilphata flyover by cm eknath shinde traffic on JNPT and Thane route will be reduced
शिळफाटा उड्डाणपुलावरील पनवेल मार्गिकेचे लोकार्पण, जेएनपीटीसह ठाणे मार्गावरील वाहतूक कोंडी कमी होणार
pwd started installation of Road safety sign boards on flyover of ghodbunder road
ठाणे: घोडबंदर मार्गावरील उड्डाणपुलांवर अखेर वाहतुक सुरक्षा घटक

डहाणू येथे रेल्वे स्थानक, बस आगार, तहसील कार्यालय, प्रांत कार्यालय, पंचायत समिती, नगर परिषद, पोलीस ठाणे, कुटीर रुग्णालय, प्राथमिक शाळा तसेच महाविद्यालय असून येथील शेकडो रहिवासी खासगी वाहने, रिक्षा, तसेच बसने प्रवास करतात.

मान्सूनपूर्व उपायांची आखणी तसेच आपत्ती व्यवस्थापनासाठी पालिकेत बैठक करण्यात आली होती. रस्त्यांवरील खड्डे, नालेसफाई, धोकादायक इमारती अशा प्रमुख विषयावर पावसाळ्यापूर्वी चर्चा करण्यात आली. विविध सेवांसाठी शहरात बारा महिने रस्ते खोदले जातात मात्र खड्डे वेळीच नीट केले जात नसल्याने पावसाळ्यात त्यांच्या दुरवस्थेत व त्या अनुषंगाने नागरिकांच्या त्रासात वाढ होत असते.

रस्त्यावर पडलेल्या मोठमोठाल्या खड्डय़ांवरून चालणे जिकिरीचे झाले आहे.

– श्रीनिवास नायक, रहिवासी, डहाणू

Latest Comment
View All Comments
Post Comment

Palghar News (पालघर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Travel through the pits in the city of dahanu ssh

First published on: 21-07-2021 at 01:36 IST

आजचा ई-पेपर : पालघर

वाचा
epaper image

संबंधित बातम्या

तुम्ही या बातम्या वाचल्या आहेत का? ×