ओम बिर्ला सलग दुसऱ्यांदा बनले लोकसभा अध्यक्ष; त्यांना मिळणारा पगार आणि इतर सुविधा माहीत आहेत का? जाणून घ्या

1/13

पंतप्रधान नरेंद्र मोदी यांनी सभागृहात प्रस्ताव मांडल्यानंतर भारतीय जनता पार्टीचे (भाजपा) नेते ओम बिर्ला यांची आवाजी मतदानाद्वारे १८ व्या लोकसभेच्या अध्यक्षपदी निवड करण्यात आली आहे.

2/13

ओम बिर्ला यांनी विरोधी पक्षाचे उमेदवार, काँग्रेसचे आठ वेळा खासदार राहिलेले कोडिकुनिल सुरेश यांचा आवाजी मतदानाने पराभव केला.

3/13

यापूर्वी १९५२, १९६७ आणि १९७६ साली लोकसभेच्या अध्यक्षपदासाठी निवडणूक झाली होती. लोकसभा अध्यक्षपदाच्या निवडणुकीची ही चौथी वेळ होती.

4/13

ही निवडणूक जिंकून भारतीय लोकसभेच्या इतिहासात सलग दोन वेळा अध्यक्षपद भूषवणार्‍या अय्यंगार आणि जीएमसी बालयोगी यांच्या यादीत त्यांच्याही नावाचा समावेश झाला आहे.

5/13

बिर्ला यांची सलग दुसऱ्यांदा संसदेच्या कनिष्ठ सभागृहाचे अध्यक्ष म्हणून निवड झाली आहे. ते राजस्थानच्या कोटा लोकसभा मतदारसंघातून खासदार आहेत. २०१४ मध्ये ते पहिल्यांदा खासदार म्हणून निवडून आले होते.

6/13

१९८५ मध्ये काँग्रेसचे बलराम जाखड यांच्यानंतर, कोटा लोकसभेतून सर्वोच्च पदावर पुन्हा निवडून आलेले ३९ वर्षांतील ते पहिले अध्यक्ष ठरले.

7/13

बिर्ला हे पहिले अध्यक्ष होते, ज्यांनी खासदारांना त्यांच्या भाषणांच्या क्लिपिंग्स सोशल मीडियावर प्रसारित करण्याची परवानगी दिली.

8/13

त्यांनी चर्चेची गुणवत्ता सुधारण्यासाठी विधेयके किंवा धोरणांवर खासदारांसाठी ब्रीफिंग सत्रांची एक नवीन प्रणालीदेखील सुरू केली.

9/13

वसाहतकालीन इमारतीतून संसदेचे नवीन इमारतीत स्थलांतर, हे बिर्ला यांच्या पहिल्या कार्यकाळातील सर्वात मोठे वैशिष्ट्य आहे.

10/13

लोकसभेचे अध्यक्ष हे देखील संसदेचे सदस्य असतात. १९५४ च्या कायद्यानुसार लोकसभा अध्यक्षांना पगारासह भत्ते आणि पेन्शनही मिळते.

11/13

१९५४ च्या कायद्यात २०१० मध्ये सुधारणा करण्यात आली. लोकसभा अध्यक्षांना खासदार म्हणून एक लाख रुपये पगार मिळतो.

12/13

याशिवाय त्यांना अतिरिक्त भत्तेही मिळतात. अध्यक्षांना त्यांच्या संपूर्ण कार्यकाळासाठी संसदेच्या अधिवेशनांना किंवा इतर समितीच्या बैठकांना उपस्थित राहण्यासाठी दररोज भत्ता दिला जातो.

13/13

कार्यकाळ पूर्ण झाल्यानंतर त्यांना पेन्शन, अतिरिक्त भत्ता, प्रवास भत्ता, मोफत निवास, मोफत वीज आणि मोफत फोन यांसारख्या सुविधा मिळतात.