EVM Machines : शरद पवारांच्या निवासस्थानी विरोधकांची बैठक; ईव्हीएम मशीनविरोधात पुन्हा एकदा आवाज उठवणार

या बैठकीनंतर पत्रकार परिषदेत बोलत असताना काँग्रेसचे ज्येष्ठ नेते दिग्विजय सिंह म्हणाले की, निवडणूक आयोगाने विरोधी पक्षांच्या मनातील ईव्हीएम मशीनबद्दलची शंका समजून घ्यावी. ईव्हीएम मशीन्स या बाह्ययंत्रणेशिवाय (standalone) चालणाऱ्या आहेत, असे निवडणूक आयोग सांगत असले तरी ईव्हीएम मशीनमध्ये फेरफार करता येतो. इंटरनेटच्या माध्यमातून ईव्हीएम मशीनवरील नावे आणि पक्षाच्या चिन्हामध्ये गडबड होऊ शकते.

आणखी वाचा

संजय राऊत ‘त्या’ खासदाराचं नाव घेताच ‘ऑन कॅमेरा’ थुंकले, शरद पवार स्पष्टच म्हणाले, “मी…”

शारीरिक संबंधांना खेळ म्हणून मान्यता, ‘या’ देशात होणार पहिली सेक्स चॅम्पियनशिप

IPL 2023: “धोनी हा खूप चलाख असून जडेजाला…” सामन्यानंतर माजी क्रिकेटपटू संजय मांजरेकर यांचे मोठे विधान

धावत्या बाईकवर पडला पत्रा, दुचाकीस्वाराचे क्षणात दोन तुकडे, Video पाहून उडेल थरकाप…

तसेच या पत्रकार परिषदेत शरद पवार म्हणाले की, विरोधकांची अपेक्षा आहे की, निवडणूक आयोगाने आमच्या मागणीची दखल घ्यावी. सिब्बल म्हणाले की, मागच्या काही काळात अनेक प्रश्न निर्माण झाले आहेत, ज्यांची उत्तरे निवडणूक आयोगाकडून येणे अपेक्षित आहे.

सिब्बल पुढे म्हणाले, “आम्ही पुन्हा एकदा निवडणूक आयोगापुढे जाऊ. निवडणूक आयोगाने आम्हाला लेखी उत्तर द्यावे, अशी मागणी करणार आहोत. जर आयोगाने आम्हाला प्रतिसाद दिला नाही, तर मग भविष्यात कोणती पावले उचलायची, याचा विचार करू. जगातील कोणत्याही मशीनमध्ये गडबड केली जाऊ शकते. जगभरातील युरोप, यूके, यूएस यांसारख्या मोठ्या लोकशाही देशांमध्ये निवडणुकीत ईव्हीएम मशीन वापरली जात नाहीत. यातच सर्व आले.”