scorecardresearch

Premium

देवेंद्र फडणवीस यांना मतदारसंघात जनसंपर्कासाठी अमृता फडणवीस यांची साथ

अमृता फडणवीस यांनी दर महिन्याला किमान चार दिवस असे चाळीस दिवस निवडणूक तयारीसाठी द्यावेत, अशी विनंती भाजप नेत्यांनी त्यांना केली आहे.

Amruta Fadnavis, public relations, constituency, Devendra Fadnavis, BJP
देवेंद्र फडणवीस यांना मतदारसंघात जनसंपर्कासाठी अमृता फडणवीस यांची साथ ( image courtesy – Amruta Fadnavis FB page)

मुंबई : उपमुख्यमंत्री देवेंद्र फडणवीस यांना आपल्या नागपूरमधील मतदारसंघात जनसंपर्क आणि पुढील वर्षी होणाऱ्या विधानसभा निवडणुकीच्या तयारीसाठी पत्नी अमृता यांची साथ लाभणार आहे. त्यांनी दर महिन्याला किमान चार दिवस मतदारसंघासाठी द्यावेत, अशी सूचना प्रदेशाध्यक्ष चंद्रशेखर बावनकुळे यांनी केली आहे.

विधानसभेच्या निवडणुका पुढील वर्षी ऑक्टोबरमध्ये अपेक्षित असून आपण लोकसभा निवडणूक लढविणार नसल्याचे फडणवीस यांनी स्पष्ट केले आहे. भाजपने लोकसभेबरोबरच विधानसभा निवडणुकीची तयारी सुरू केली आहे. फडणवीस हे महिन्यातून दोन-चार वेळा नागपूरला आणि आपल्या मतदारसंघातही जातात. जनसंपर्क साधून नागरिकांची कामे करणे, भेटीगाठी व निवडणूक तयारीची कामे पाहतात. त्यांचे विश्वासू सहकारी व भाजप पदाधिकारी हे मतदारसंघाची जबाबदारी सांभाळतात.

Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
ajit pawar marathi news, ajit pawar rohit pawar, rohit pawar ed notice marathi news,
“आम्ही त्याचा इव्हेंट करत नाही, माझी ५ तास चौकशी झाली…”, रोहित पवारांच्या ईडी नोटीशीवर अजित पवार म्हणाले…
maharashtra bjp on uddhav thackeray marathi news, maharashtra bjp marathi news
उद्धवरावांचा रडीचा डाव
Rahul Gandhi Yatra Attacked By BJP
“मी बसमधून उतरलो अन् त्यांनी…”, राहुल गांधींनी सांगितलं भाजपा कार्यकर्त्यांच्या हल्ल्यावेळी काय घडलं?

हेही वाचा… माढाच्या उमेदवारीवरून भाजप अंतर्गत संघर्ष मोहिते-पाटील यांचाही दावा

पण आता निवडणुका जवळ आल्याने आणि फडणवीस हे राष्ट्रीय व राज्य पातळीवर निवडणूक प्रचार व अन्य कामांत अधिक व्यस्त राहतील. त्यांना मतदारसंघाकडे लक्ष द्यायला पुरेसा वेळ मिळणार नाही. त्यामुळे अमृता फडणवीस यांनी दर महिन्याला किमान चार दिवस असे चाळीस दिवस निवडणूक तयारीसाठी द्यावेत, अशी विनंती भाजप नेत्यांनी त्यांना केली आहे. त्यादृष्टीने त्यांचा कार्यक्रम तयार करण्यात येत असल्याने ज्येष्ठ भाजप नेत्याने सांगितले.

हेही वाचा… ‘इंडिया’ आघाडीत प्रागतिक आघाडीचा तीन जागांवर दावा

अमृता फडणवीस या मतदारसंघातील भाजप पदाधिकाऱ्यांच्या बैठका घेतील, जनसंपर्क साधून नागरिकांचे प्रश्न सोडविण्यास मदत करतील, मतदारनोंदणी व अन्य निवडणूक तयारीच्या कामातही सहभागी होतील, असे संबंधितांनी नमूद केले.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Amruta fadnavis maintaining public relations in the constituency of devendra fadnavis print politics news asj

First published on: 17-11-2023 at 12:41 IST

संबंधित बातम्या

×