पुणे शहरात दिवसभरात 202 करोना बाधित रुग्ण आढळले. तर आज अखेर रुग्णसंख्या 1 लाख 72 हजार 280 इतकी झाली आहे. दरम्यान दिवसभरात 9 रुग्णांचा मृत्यू झाला असून एकूण 4 हजार 502 मृतांची संख्या झाली आहे. त्याच दरम्यान 336 जणांचे रिपोर्ट निगेटिव्ह आल्याने त्यांना घरी सोडण्यात आले आहे. तर आजअखेर 1 लाख 62 हजार 779 रुग्ण करोनामुक्त झाले आहेत. तर पिंपरी-चिंचवड शहरात आज दिवसभरात 138 करोना बाधित रुग्णांची नोंद झाली असून 90 जण करोनामुक्त झाले आहेत. आज दिवसभरात पाच जणांचा उपचारादरम्यान मृत्यू झाला आहे. पिंपरी-चिंचवड शहरातील एकूण बाधित रुग्णांची संख्या 93 हजार 515 वर पोहचली असून पैकी, 89 हजार 747 जण करोनातून ठणठणीत बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या 918 एवढी आहे अशी माहिती महानगर पालिकेच्या आरोग्य विभागाने दिली आहे.
