पुणे शहरात आज दिवसभरात नव्याने १८६४ रुग्ण आढळल्याने १ लाख २६ हजार ५३२ एवढी रुग्ण संख्या झाली आहे. तर आज दिवसभरात ४५ रुग्णांचा मृत्यू झाला आहे. त्यामुळे आज अखेर २ हजार ९६३ रुग्णांचा मृत्यू झाला आहे. करोनावर उपचार घेणार्‍या २२१९ रुग्णांची तब्येत ठणठणीत असल्याने त्या सर्वांना घरी सोडण्यात आले आहे. त्यामुळे आज अखेर १ लाख ६ हजार १९७ रुग्ण करोना मुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे. पिंपरी-चिंचवडमध्ये आज दिवसभरात १ हजार ११३ जण करोना बाधित रुग्ण आढळले असून ३३ जणांचा मृत्यू झाला आहे. तर १ हजार १९९ जण आज करोनामुक्त झाले असून त्यांना डिस्चार्ज देण्यात आला आहे. पिंपरी-चिंचवड शहरात एकूण करोना बाधित रुग्णांची संख्या ६७ हजार ५९६ वर पोहचली असून पैकी ५३ हजार ५०८ जण करोनामुक्त झाले आहेत. महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ६ हजार १३१ एवढी आहे अशी माहिती महानगरपालिकेच्या आरोग्य विभागाने दिली आहे.
