08 August 2020

News Flash

रविवारी होणाऱ्या पोलिओ लसीकरणावर कुटुंब कल्याण कर्मचाऱ्यांचा बहिष्कार

थकित महागाई भत्ते आणि सहावा वेतन आयोग लागू होण्याच्या प्रमुख मागण्यांसाठी कुटुंब कल्याण कर्मचाऱ्यांनी रविवारी होणाऱ्या पल्स पोलिओ लसीकरण मोहिमेवर बहिष्कार घालण्याचा निर्णय घेतला आहे.

| February 21, 2014 02:50 am

थकित महागाई भत्ते आणि सहावा वेतन आयोग लागू होण्याच्या प्रमुख मागण्यांसाठी कुटुंब कल्याण कर्मचाऱ्यांनी रविवारी होणाऱ्या पल्स पोलिओ लसीकरण मोहिमेवर बहिष्कार घालण्याचा निर्णय घेतला आहे. मोहिमेच्या पहिल्या सत्रात या कर्मचाऱ्यांनी पुण्यात ८० पोलिओ बूथवर काम करून १५ हजार बालकांना पोलिओ डोस दिले होते. दुसऱ्या सत्रात मात्र हे कर्मचारी काम करणार नसल्यामुळे या मोहिमेवर परिणाम होण्याची शक्यता आहे.
अखिल भारतीय कुटुंब कल्याण कर्मचारी संघटनेचे अध्यक्ष प्रदीप दीक्षित यांनी पत्रकार परिषदेत ही माहिती दिली. राज्यभरात मिळून स्वयंसेवी संस्थांद्वारे चालवल्या जाणाऱ्या कुटुंब कल्याण केंद्रात काम करणारे २५० कर्मचारी असून यात ९५ टक्के महिला आहेत. १९ जानेवारीला पल्स पोलिओ लसीकरण मोहिमेचा पहिला टप्पा पार पडला. या वेळी या कर्मचाऱ्यांनी काळ्या फिती लावून काम केले होते. ‘या कर्मचाऱ्यांना २००४ पासून एकही महागाई भत्ता मिळालेला नसून असे १९ महागाई भत्ते थकीत आहेत. तसेच त्यांना सहावा वेतन आयोगही लागू करण्यात आलेला नाही. गेली दहा वर्षे वेतनात अजिबात वाढ होत नसल्यामुळे कुटुंब कल्याण केंद्रांतील कर्मचारी काम सोडून चालले असून या संस्था मृतप्राय होण्याच्या मार्गावर आहेत,’ असे दीक्षित यांनी सांगितले. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2014 2:50 am

Web Title: boycott on polio immunization programme by family welfare workers
टॅग Boycott
Next Stories
1 गटतट व मतदारसंघाचा समतोल राखून राष्ट्रवादीने पटकावल्या स्थायीच्या आठ जागा –
2 बीडीपी आरक्षणाबाबत चर्चा करून निर्णय घेऊ- मुख्यमंत्री
3 राष्ट्रवादी काँग्रेसचा शिरूरमधील ‘शोध’ संपला! – देवदत्त निकम यांना उमेदवारी जाहीर
Just Now!
X