26 February 2021

News Flash

पुण्यात दुसऱ्या लाटेची भीती

डिसेंबर, जानेवारीमध्ये करोनाची दुसरी लाट येण्याची शक्यता

(संग्रहित छायाचित्र)

पाऊस संपून थंडी सुरू होणार असल्याने सर्दी, खोकला, ताप, सारी अशा आजारांमध्ये वाढ होणार आहे. नवरात्र, दिवाळी आणि नाताळ यांसारखे मोठे सण आणि टाळेबंदी शिथिलता अंतर्गत सर्वच क्षेत्रे खुली होत आहेत. परिणामी पुण्यात डिसेंबर, जानेवारीमध्ये करोनाची दुसरी लाट येण्याची शक्यता प्रशासनाकडून व्यक्त करण्यात आली आहे.

दरम्यान, सध्या रुग्णसंख्या कमी होत असली, तरी दैनंदिन चाचण्यांच्या तुलनेत महापालिका आणि कटक मंडळांसह रुग्ण सापडण्याचे प्रमाण १६ टक्के  आहे.

करोनाच्या सद्य:स्थितीबाबत आयोजित पत्रकार परिषदेत विभागीय आयुक्त सौरभ राव यांनी ही माहिती दिली. ते म्हणाले, ‘पाऊस संपून थंडी सुरू होणार असल्याच्या पार्श्वभूमीवर केंद्रीय आरोग्य मंत्रालयाकडून करोनाच्या दुसऱ्या लाटेबाबत

सतर्क राहण्याबाबत सूचना आल्या आहेत. दरवर्षी थंडीमध्ये सर्दी, खोकला, ताप आणि सारी या आजारांमध्ये वाढ होत असते. त्यानुसार यंदा थंडीमध्ये या आजारांच्या रुग्णांमध्ये करोनाची लक्षणे आढळण्याची शक्यता नाकारता येत नाही. तसेच नवरात्र, दिवाळी आणि नाताळ या मोठय़ा सणांनिमित्त नागरिक घराबाहेर पडण्याची शक्यता आहे. या पार्श्वभूमीवर डिसेंबर, जानेवारीमध्ये करोनाची दुसरी लाट येण्याची शक्यता आहे.’ असेही त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 15, 2020 12:21 am

Web Title: fear of second wave in pune abn 97
टॅग : Coronavirus
Next Stories
1 लोणावळा, खंडाळा पर्यटकांसाठी खुले
2 राज्यात पावसाचा धुमाकूळ
3 डीएसके प्रकरणात सुनावणीचा अधिकार फक्त विशेष न्यायालयाला
Just Now!
X