यंदाच्या मोसमात राज्यभरात मान्सून व्यापल्यानंतर पुणे शहर आणि जिल्ह्यामध्ये पावसाने बुधवारी दमदार हजेरी लावली. शहरातील जवळपास सर्वच भागांना पावसाने चांगलेच झोडपून काढले. संध्याकाळी ४ वाजल्यापासून पावसाला सुरुवात झाली, अद्यापही पावसाचा जोर कायम आहे. पुणे शहरात जोरदार पावसाला सुरुवात राज्यभरात मान्सून व्यापल्यानंतर पुणे शहर आणि जिल्ह्यामध्ये पावसाने बुधवारी दमदार हजेरी लावली. शहरातील जवळपास सर्वच भागांना पावसाने चांगलेच झोडपले. संध्याकाळी ४ वाजल्यापासून पावसाला सुरुवात झाली, अद्यापही पावसाचा जोर कायम आहे. pic.twitter.com/9dKEXPtDHz — LoksattaLive (@LoksattaLive) June 17, 2020 सकाळपासूनच शहरात मोठ्या प्रमाणावर उकाडा जाणवत होता. त्याचबरोबर आकाशात ढगही दाटून आले होते. दुपारच्या सुमारास अधूनमधून पावसाचे थेंब प़डत होते. मात्र, त्यानंतर संध्याकाळी चार वाजण्याच्या सुमारास शहरातील अनेक भागांमध्ये अचानक अंधारुन येऊन जोरदार पावसाला सुरुवात झाली. यावेळी कामानिमित्त घराबाहेर पडलेल्या लोकांची चांगलीच तारांबळ उडाली.