25 September 2020

News Flash

पिंपरी-चिंचवडमध्ये करोनाबाधितांच्या संख्येने गाठला एका दिवसातील ‘उच्चांक’

दिवसभरात 15 जणांचा मृत्यू ; करोनाबाधितांची एकूण संख्या 13 हजार 107 वर पोहचली

प्रतीकात्मक छायाचित्र

पिंपरी-चिंचवड शहरात करोनाचा प्रादुर्भाव रोखण्यासाठी दहा दिवसांचे कडक लॉकडाउन लागू करण्यात आले असून यापैकी, आठ दिवस होऊन गेले आहेत. परंतु, आज नवव्या दिवशी शहरातील बाधित रुग्णांनी ‘उच्चांकी’ आकडा पार केला आहे. शहरात आज  दिवसभरात एकूण 927 करोनाबाधित आढळले असून 15 जणांचा मृत्यू झाला आहे.

पिंपरी-चिंचवड शहरातील एकूण बाधित रुग्णांची संख्या 13 हजार 107 वर पोहचली असून आत्तापर्यंतची सर्वाधिक उच्चांकी संख्या आज करोनाबाधित रुग्णांनी गाठली आहे. यापैकी, आत्तापर्यंत 8 हजार 40 रुग्ण करोनामुक्त झाले असून आज 203 जणांनी करोनावर मात केली आहे. दरम्यान, शहरातील अॅक्टिव्ह रुग्णांची संख्या 3 हजार 379 झाली आहे.

एकीकडे  करोनाचा प्रादुर्भाव रोखण्यासाठी लॉकडाउन लागू केला असल्याच बोललं जात आहे. प्रत्यक्षात मात्र, करोनाबाधितांचा आकडा वाढत असल्याचे चित्र पिंपरी-चिंचवड शहरात दिसत आहे. अशाच प्रकारे करोनाबाधितांचा आकडा वाढत राहिल्यास शहरातील नागरिकांची चिंता नक्की वाढेल, यात काही शंका नाही. नागरिकांनी देखील राज्य शासनाने घालून दिलेल्या नियमांचे पालन करणे आवश्यक आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 22, 2020 9:33 pm

Web Title: in pimpri chinchwad the number of corona patients has increased to 927 today msr 87kjp 91
टॅग Coronavirus
Next Stories
1 पुरंदर तालुक्यात करोना रुग्णसंख्येने ओलांडला ४०० चा टप्पा
2 पुण्यातील ‘त्या’ रुग्णाचा अखेर उपचारादरम्यान मृत्यू
3 पुणे : पत्ता विचारण्याच्या बहाण्याने कार थांबवून बंदुकीतून झाडल्या चार गोळ्या
Just Now!
X