21 September 2020

News Flash

…तर पेट्रोल 10 रुपयांनी होणार स्वस्त, पुण्यात चाचणी सुरु

पेट्रोलचे दर कमी करण्यासाठी मोदी सरकार युद्धपातळीवर प्रयत्न करत आहे

पेट्रोल आणि डिझेलचे दर वाढल्याने नेहमी चिंतेत असणाऱ्या सामान्यांसाठी एक चांगली बातमी आहे. आगामी काळात पेट्रोलचे दर 10 रुपयांनी कमी होण्याची शक्यता आहे. सरकार एक नवी योजना आखत असून पेट्रोलमध्ये मिथेनॉल मिसळण्याचा विचार करत आहे. नीती आयोगाच्या देखरेखीखाली सरकार देशभरात 15 टक्के मिथेनॉल मिसळलेलं पेट्रोल आणण्याची तयारी करत आहे. यासाठी पुण्यात चाचण्याही सुरु झाल्या आहेत. जर सरकारची योजना यशस्वी झाली तर पेट्रोल 10 रुपयांनी स्वस्त होणार आहे.

मिथेनॉल कोळशापासून तयार केलं जातं. सध्या पेट्रोल आणि डिझेलमध्ये इथेनॉल मिसळलं जातं. इथेनॉल ऊसापासून तयार केलं जातं. इथेनॉलसाठी प्रती लीटर 42 रुपये खर्च होतात. तर मिथेनॉलसाठी 20 रुपये प्रती लीटर खर्च येतो. इथेनॉलच्या तुलनेत मिथेनॉल स्वस्त असल्यानेच या पर्यायाचा विचार केला जात आहे. तसंच मिथेनॉलमुळे प्रदूषणही कमी होतं.

नीती आयोगाच्या देखरेखीखाली पुण्यात मिथेनॉलवर चालणाऱ्या गाड्यांची चाचणी सुरु करण्यात आली आहे. मारुती आणि हुंदाई गाड्यांवर ही चाचणी केली जात आहे. दोन ते तीन महिन्यात चाचण्या पूर्ण होतील अशी अपेक्षा आहे. जर चाचणी यशस्वी झाली तर मिथेनॉल मिसळलेलं पेट्रोल मिळण्यास सुरुवात होईल.

मिथेनॉलसाठी देशांतर्गत उत्पादन करण्यावर आणि आयातीवर भर देण्यावर सरकारचा जोर असणार आहे. RCF (राष्ट्रीय केमिकल अँड फर्टिलायझर) आणि GNFC (गुजरात नर्मदा व्हॅली फर्टिलायझर कॉर्पोरेशन) ची क्षमता वाढवण्याचा प्रयत्न केला जाणार आहे. चीन, मेक्सिको आणि मध्यपूर्वेतल्या देशांमधूनही मिथेनॉल आयात केलं जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2018 10:57 am

Web Title: petrol price may come down by 10rs
Next Stories
1 क्लासला जाणाऱ्या तरुणीचे अपहरण करुन सामूहिक बलात्कार
2 पाकिस्तानी तुरुंगातून सुटका झाल्यानंतर सहा वर्षांनी हमीद अन्सारी दिल्लीत दाखल
3 बँक कर्मचाऱ्यांचा संप, पाच दिवस बँका बंद
Just Now!
X