26 November 2020

News Flash

डीएसकेंवरील धडा पुणे विद्यापीठाने मागे घ्यावा, राष्ट्रवादी काँग्रेसची मागणी

यशोगाथा या पुस्तकात डीएसकेंवर एक प्रकरण आहे. या प्रकरणात डीएसकेंचा संघर्ष, यश, प्रेरणा याचा समावेश आहे. २०१३ मध्ये हे पुस्तक प्रकाशित झाले.

डीएसकेंच्या कारकीर्दीवर आधारित धड्याचा सावित्रीबाई फुले विद्यापीठाच्या वाणिज्य शाखेच्या अभ्यासक्रमात समावेश आहे. हा धडा राज्य सरकारने मागे घ्यावा अशी मागणी राष्ट्रवादीचे नेते हेमंत टकले यांनी केली आहे.

गुंतवणूकदारांची फसवणूक केल्याप्रकरणी डीएसके उर्फ दीपक सखाराम कुलकर्णी हे सध्या कारागृहात आहेत. डीएसकेंच्या कारकीर्दीवर आधारित धड्याचा सावित्रीबाई फुले विद्यापीठाच्या वाणिज्य शाखेच्या अभ्यासक्रमात समावेश आहे. हा धडा राज्य सरकारने मागे घ्यावा अशी मागणी राष्ट्रवादीचे नेते हेमंत टकले यांनी केली आहे. डीएसकेंच्या धड्यातून विद्यार्थ्यांनी काय बोध घ्यायचा असा, सवाल त्यांनी उपस्थित केला आहे.

यशोगाथा या पुस्तकात डीएसकेंवर एक प्रकरण आहे. या प्रकरणात डीएसकेंचा संघर्ष, यश, प्रेरणा याचा समावेश आहे. २०१३ मध्ये हे पुस्तक प्रकाशित झाले. प्रा.प्र.चिं.शेजवलकर याचे लेखक असून त्यांनी या पुस्तकात समाजातील आणखी काही प्रतिष्ठित आणि प्रेरणादायी व्यक्तींवर लिहिले आहे. पुणे विद्यापीठाने डीएसकेंवरील या प्रकरणाचा वाणिज्य शाखेच्या अभ्यासक्रमात समावेश केला आहे.

हेमंत टकले यांनी आता या धड्यावर आक्षेप नोंदवला असून डीएसकेंकडून विद्यार्थ्यांनी काय बोध घ्यावा, असा सवाल उपस्थित केला आहे. एकंदर डीएसकेंवर सध्या सुरू असलेल्या खटल्यामुळे प्राध्यापकांनाही विद्यार्थ्यांना यातून काय शिकवायचे असा प्रश्न पडला आहे.

दरम्यान, डीएसकेंवर गुंतवणूकदारांची फसवणूक करत २०४३ कोटींचा घोटाळा केल्याचा आरोप आहे. याप्रकरणी डीएसके आणि त्यांच्या पत्नी हेमंती हे अटकते असून मुलगा शिरीष, जावई केदार वांजपे, पुतणी सई वांजपे, डीएसके कंपनीचे सीईओ धनंजय पाचपोर यांनाही याप्रकरणी अटक करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 4, 2018 6:58 pm

Web Title: remove lesson on d s kulkarni in pune university syllabus demand by ncp leader hemant takle
टॅग Dsk
Next Stories
1 भीमा कोरेगाव हिंसाचार प्रकरण – आरोपींच्या न्यायालयीन कोठडीत वाढ
2 विद्यार्थिनींच्या अंतर्वस्त्राचा रंगही शाळा ठरवणार, पुण्याच्या शाळेत अजब अटी; पालक संतप्त
3 शाळेत न येण्याची शिक्षा दिल्याने १० वीच्या विद्यार्थ्याची आत्महत्या
Just Now!
X