News Flash

पुण्यात दिवसभरात करोनामुळे सात मृत्यू ; २६८ नवे रुग्ण

शहरातील करोनाबाधितांची संख्या आता ८ हजार ७७७ वर पोहचली

संग्रहीत प्रतिकात्मक छायाचित्र

राज्यातील करोनाचा प्रादुर्भाव झपाट्याने वाढत आहे. मुंबई व पुणे पाठोपाठ अन्य शहरांमधील करोनाबाधितांच्या संख्येत दिवसेंदिवस अधिकच भर पडत आहे. पुण्यात आज दिवसभरात करोनामुळे सात जणांचा मृत्यू झाल्याने व २६८ नव्या करोनाबाधितांची नोंद झाल्याने पुणेकरांची चिंता वाढली आहे.

शहरातील करोनाबाधितांची संख्या आता ८ हजार ७७७ झाली आहे. आज अखेर शहरात करोनामुळे ४१३  रुग्णांचा मृत्यू झालेला आहे. करोनावर उपचार घेणार्‍या २०७ रुग्णांची  आज पुन्हा टेस्ट घेण्यात आली. त्या सर्वांचा रिपोर्ट निगेटिव्ह आल्याने, त्या सर्वांना घरी सोडण्यात आले आहे. त्यामुळे आज अखेर 5 हजार 782 रुग्ण करोनामुक्त झाल्याची नोंद झाली आहे.

पुणे शहाराबरोबच पिंपरी-चिंचवडमध्येही करोनाबाधित रुग्ण कमालीचे वाढत आहेत. आज शहरात नव्याने सर्वाधिक ८९ करोना बाधित रुग्ण आढळले आहेत. तर ६० वर्षीय महिलेचा आणि ६२ वर्षीय पुरुषाचा उपचारादरम्यान मृत्यू झालेला आहे. शहरातील करोनाबाधित रुग्णांची संख्या १ हजार १७ वर पोहचली आहे. दरम्यान, आज दहा जणांना डिस्चार्ज देण्यात आला असून त्यांची प्रकृती उत्तम आहे. पिंपरी-चिंचवड महानगर पालिका आणि हद्दी बाहेरील एकूण १०१७ जण करोना बाधित आहेत. पैकी, ५१६ हद्दीतील तर हद्दीबाहेरील ७५ जणांना करोनामुक्त करण्यात डॉक्टरांना यश आले आहे. दरम्यान, आत्तापर्यंत ३७ जणांचा मृत्यू करोना विषाणूमुळे झालेला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2020 8:36 pm

Web Title: seven deaths due to corona in pune today 268 new patients msr 87 svk 88
टॅग : Coronavirus
Next Stories
1 पिंपरी-चिंचवड शहरात आढळले ८९ नवे करोनाबाधित; दोघांचा मृत्यू
2 पालखी प्रस्थान सोहळ्यास मंदीर परिसरात ५० लोकांच्या उपस्थितीस परवानगी
3 मान्सून आला! मुंबई, पुण्यासह मध्य महाराष्ट्रात अति मुसळधार पावसाचा अंदाज
Just Now!
X