पिंपरी-चिंचवड शहरात औरंगाबाद शहरातील घटनेची पुनरावृत्ती झाल्याचं पाहायला मिळालं. संचारबंदी लागू असताना विनाकारण बाहेर फिरणाऱ्यांना पोलिसांनी हटकल्याने संबंधित व्यक्ती आणि त्याच्या दोन मुलांनी आपल्याला हटकणाऱ्या पोलिसाच्या हातातली काठी हिसकावून घेत त्यालाच मारहाण केल्याची घटना घडली आहे. या प्रकरणी सरकारी कामात अडथळा आणि आपत्ती व्यवस्थापन कायद्यानुसार गुन्हा दाखल करण्यात आला आहे.
युनूस गुलाब आत्तार (वय – ५०), मतीन युनूस आत्तार (वय- २८), मोईन युनूस आत्तार (वय-२४) अशी आरोपींची नावे असून यातील तिघांना वाकड पोलिसांनी ताब्यात घेतलं आहे. या घटनेप्रकरणी पोलीस शिपाई शंकर विश्वबर कळकुटे यांनी फिर्याद दिली असून ते सध्या अतिक्रमण विभागात नेमणुकीस आहेत.
पिंपरी-चिंचवड शहरासह राज्यात करोनाचा प्रादुर्भाव वाढू नये म्हणून जमावबंदी आणि संचारबंदी करण्यात आली आहे. मात्र, अनेक नागरिक घराबाहेर पडत आहेत. आरोपी युनूस आत्तार हे देखील विनाकारण बाहेर फिरत असताना फिर्यादी पोलीस शिपाई यांनी त्यांना हटकले. तेव्हा, यावरून त्यांच्याशी वाद घालून आरोपी आणि त्याच्या दोन मुलांनी हुज्जत घातली. त्यानंतर आरोपी मतीन याने काठी हिसकावून घेत तसेच युनूस आणि मोईन यांनी लाथा बुक्क्यांनी पोलीस शिपायास मारहाण केली. या घटनेचा व्हिडिओ सध्या व्हॉट्सअॅपवर व्हायरल झाला आहे.
<blockquote class=”twitter-tweet”><p lang=”mr” dir=”ltr”>विनाकारण फिरणाऱ्यांना हटकल्याने पिंपरीत पोलिसाला मारहाण <a href=”https://t.co/fbVjvAXFcl”>pic.twitter.com/fbVjvAXFcl</a></p>— LoksattaLive (@LoksattaLive) <a href=”https://twitter.com/LoksattaLive/status/1254995702460997634?ref_src=twsrc%5Etfw”>April 28, 2020</a></blockquote> <script async src=”https://platform.twitter.com/widgets.js” charset=”utf-8″></script>
संबंधित आरोपींनी पोलीस कर्मचाऱ्याला जीवे मारण्याची धमकी देखील दिली असल्याचं फिर्यादीत म्हटलं आहे. गंभीर बाब म्हणजे यातील मतीन आत्तार हा रेल्वे पोलिसांत असून त्याने एका पोलीस कर्मचाऱ्याला मारहाण केली आहे. घटना पिंपरी-चिंचवड शहरातील काळेवाडी परिसरात घडली आहे. घटनेचा अधिक तपास सहाय्यक पोलीस निरीक्षक सपना देवतळे या करीत आहेत.
