पोलिसाला दमदाटी प्रकरणी भाजप नगरसेवक अमोल बालवडकरांचा येरवड्यात मुक्काम

आपल्या गाडीवर कारवाई केल्याचा राग धरून बालवडकर यांनी वाहतुक शाखेचे डामसे यांना दमदाटी केली. याप्रकरणी शिवाजीनगर पोलीस ठाण्यात त्यांच्यावर गुन्हा दाखल करून अटक करण्यात आली होती. तर आज न्यायलयात युक्तीवाद करत असताना अमोल बालवडकर यांच्या वकिलांनी बालवडकर हे नगरसेवक असून जबाबदार नागरिक आहेत, असे सांगत त्यांना जामीन देण्याची मागणी केली. मात्र यावर न्यायधीशांनी कायदा सर्वांना सारखाच असतो, असे सांगत त्यांचा जामीन अर्ज फेटाळून येरवडा कारागृहात पाठवण्याचे आदेश देत २५ एप्रिल पर्यंत येरवडा कारागृहात रवानगी करण्याचे आदेश देण्यात आले.