पुणे : पुणे ग्रामीण पोलिस दलाच्या अधीक्षकपदी अंकित गोयल यांची नियुक्ती करण्यात आली आहे. राज्य सरकारने गुरुवारी (२० ऑक्टोबर) रात्री पोलिस अधिकाऱ्यांच्या बदल्यांचे आदेश काढले. गोयल हे यापूर्वी गडचिरोलीचे पोलिस अधीक्षक होते. दरम्यान, डॉ. अभिनव देशमुख यांच्या बदलीचे स्वतंत्रपणे आदेश काढण्यात येणार आहेत.
पोलीस अधीक्षक असताना गडचिरोलीतील ग्रामीण भागात राबविलेल्या विविध उपक्रमांमुळे अंकित गोयल चर्चेत आले होते. त्यांची नियुक्ती आता पुणे ग्रामीण पोलिस अधीक्षकपदी करण्यात आली आहे. जिल्हा परिषदेच्या आगामी निवडणुकांच्या पार्श्वभूमीवर जिल्ह्यातील कायदा सुव्यवस्था कायम ठेवण्याचे आव्हान त्यांच्यासमोर असणार आहे.
