लोणावळ्यात क्रिकेट सामन्यावर सट्टा ; गुजरातमधील सट्टेबाजांना पकडले

लोणावळ्यातील आपटे गावाताील लेक मॅन्शन बंगल्यात भारत विरुद्ध इंग्लंड दरम्यान क्रिकेट सामन्यावर ऑनलाइन सट्टा घेण्यात येत असल्याची माहिती ग्रामीण पोलिसांच्या स्थानिक गुन्हे अन्वेषण शाखेचे सहायक पोलीस निरीक्षक नेताजी गंधारे यांना मिळाली. त्यानंतर पोलिसांच्या पथकाने तेथे छापा टाकून पाच सट्टेबाजांना पकडले.

या कारवाईत रोकड, मोबाइल संच, टॅब, लॅपटाॅप असा मुद्देमाल जप्त करण्यात आला असून लोणावळा पोलीस ठाण्यात गुन्हा दाखल करण्यात आला आहे. पोलीस अधीक्षक डाॅ. अभिनव देशमुख, अतिरिक्त अधीक्षक मितेश घट्टे, उपविभागीय अधिकारी भाऊसाहेब ढोले, पोलीस निरीक्षक अशोक शेळके, सहायक निरीक्षक गंधारे, शब्बीर पठाण, तुषार पंधारे, विक्रम तापकीर, चंद्रकांत जाधव आदींनी ही कारवाई केली.