पुणे:‘आयआयटी’तील विद्यार्थी दर्शन सोळंकीच्या आत्महत्येची चौकशीची मागणी; मार्क्सवादी कम्युनिस्ट पक्षाकडून निवेदन

हैदराबादमधील विद्यापीठात काही वर्षांपूर्वी रोाहित येमुला याने गळफास घेऊन आत्महत्या केली होती. गेल्या काही वर्षांपासून आयआयटीसह देशातील विविध उच्च शिक्षणसंस्थांमधील विद्यार्थ्यांच्या आत्महत्यांचे प्रमाण वाढत आहे. शिक्षणमंत्र्यांनी संसदेत सादर केलेल्या आकडेवारीनुसार २०१४ ते २०२१ या कालावधीत १२२ विद्यार्थ्यांनी आत्महत्या केली आहे. या घटनांचे सखोल विश्लेषण केल्यास सामाजिक आणि आर्थिकदृष्ट्या मागासलेल्या समुदायातील विद्यार्थ्यांच्या मृत्यूचे मोठे प्रमाण असल्याचे दिसून येते, असे त्यांनी निवेदनात नमूद केले आहे.