लोकसत्ता प्रतिनिधी पुणे: ‘डीआरडीओ’चे संचालक डॉ. प्रदीप कुरुलकर यांच्या कोठडीत १६ मेपर्यंत वाढ करण्याचे आदेश विशेष न्यायाधीश पी. पी. जाधव यांनी मंगळवारी दिले. पाकिस्तानाला गोपनीय माहिती पुरविल्याच्या आरोपावरून अटकेत असलेले कुरुलकर यांना सोमवारपर्यंत (१५ मे) एटीएस कोठडीत ठेवण्याचा आदेश विशेष न्यायालयाने दिला होता. कुरुलकर यांच्या कोठडीची मुदत संपल्यानंतर त्यांना शिवाजीनगर जिल्हा सत्र न्यायालयात हजर करण्यात आले. त्या वेळी न्यायालयाच्या आवारात कडक बंदोबस्त ठेवण्यात आला होता. कुरुलकर यांना अटक करण्यात आल्यानंतर एटीएसकडून करण्यात आलेल्या तपासाबाबतचा अहवाल वरिष्ठ पोलीस निरीक्षक सुजाता तानवडे यांनी सादर केला. या प्रकरणाचा सखोल तात्रिक तपास करायचा असून, कुरुलकर यांच्या कोठडीत वाढ करण्याची विनंती एटीएसकडून विशेष न्यायालयाकडे करण्यात आली.
