रोहित पवार यांनी आपल्या एक्स अकाऊंटवर एक कथित व्हिडिओ शेअर करत नवनीत राणांच्या सभेला हजर राहण्यासाठी पैसे वाटल्याचा आरोप केला होता. त्यावर प्रतिक्रिया देताना राहित पवार यांचा अमरावतीचा अभ्यास कमी आहे, असे रवी राणा म्हणाले होते. यावरून आता रोहित पवारांनी रवी राणा यांना प्रत्युत्तर दिलं आहे. तुम्ही कितीही पांघरून टाकण्याचा प्रयत्न केला, लोक एवढी खुळी नाही, असे म्हणाले, पुण्यात माध्यमांशी बोलताना त्यांनी संदर्भात प्रतिक्रिया दिली.

नेमकं काय म्हणाले रोहित पवार?

माझ्याकडे जो व्हिडिओ आला, तो मी सोशल मीडियावर पोस्ट केला होता. त्याबाबतीत आम्हाला काय वाटलं ते आम्ही बोललो, त्यावर त्यांना काय वाटलं हे त्यांनी सांगितले. पण पाणी देण्यासाठी त्यांनी एवढा खर्च केला असेल, तर त्यांनी त्यांच्या निवडणूक खर्चात तो खर्च दाखवला आहे का? हे सांगावे, अशी प्रतिक्रिया रोहित पवार यांनी दिली.

Eid al-Adha (Bakrid
बकरी ईदच्या दिवशी जैन व्यक्तीनं मुस्लीम वेश परिधान करून १२४ बकऱ्या केल्या खरेदी; पण कशासाठी? वाचा नेमकं घडलं काय?
readers comments on loksatta editorial readers reaction on loksatta articles
लोकमानस : फसवणुकीत बँकेचीही जबाबदारी असू शकते…
Mumbai Municipal Corporation, bmc, Mumbai Municipal Corporation to Resume Road Concreting Projects, Post Elections, bmc Work Orders, road construction,
मुंबई : रस्तेकामांच्या प्रक्रियेला वेग, महापालिका नव्या कामांची निविदा प्रक्रिया पावसाळ्यात पूर्ण करणार
political leaders hoardings wishing shrikant shinde victory
डॉ. श्रीकांत शिंदे यांच्या विजयाच्या शुभेच्छा फलकांनी कल्याण, डोंबिवली शहरांचे विद्रुपीकरण; प्रभागातील साहाय्यक आयुक्तांना फलक न काढण्यासाठी दमदाटी
Nagpur RTE Admission Scam, RTE Admission Scam, Key Conspirator RTE Admission Scam, Fake Documents, right to education,
आरटीई घोटाळा : शाहिद शरीफच्या साथीदाराच्या कार्यालयाची झडती, स्कॅनरसह बनावट कागदपत्र…
After Sanjay Raut allegation interest in Nagpur Lok Sabha election results
संजय राऊत यांच्या आरोपानंतर नागपूरच्या निकालाची उत्सुकता
Pune accident bribe
Pune Accident : रक्ताच्या नमुन्यात फेरफार करण्यासाठी लाखो रुपयांची लाच? ससूनच्या कर्मचाऱ्याकडून रोख रक्कम जप्त
kolhapur district bank board of directors pay tribute to pn patil from Italy
इटलीमध्ये आमदार पी. एन. पाटील यांना श्रद्धांजली

आज ते काहीही बोलले तरी तो पैसा कशासाठी होता, हे जगजाहीर आहे. असं असताना तुम्ही कितीही पांघरून टाकण्याचा प्रयत्न केला, तरी लोक एवढी खुळी नाहीत, त्यांना सगळं कळतं. भाजपाच्या काळात भाजपाचे नेते काय करत आहे, हे जनतेला माहिती आहे. सभेला कोणी येत नाही, त्यामुळेच पाचशे-सातशे रुपये दिले जातात. आणि त्या सातशे रुपयातही चारशे रुपये कमिशन घेतले जाते. हे बघितल्यानंतर अनेकांना आश्चर्य वाटणार नाही, अशी टीकाही त्यांनी केली.

हेही वाचा – सुनेत्रा पवारांबाबत केलेल्या ‘त्या’ विधानावरून धनंजय मुंडेंची शरद पवारांवर टीका; म्हण…

नेमकं प्रकरण काय?

अमरावतीच्या भाजपाच्या उमेदवार नवनीत राणा यांच्या प्रचारार्थ २४ एप्रिल रोजी अमरावतीत अमित शाह यांची सभा पार पडली होती. या सभेला उपस्थित राहण्यासाठी महिलांना पैसे वाटल्याचा कथित व्हिडिओ व्हायरल झाला होता. हा व्हिडिओ रोहित पवार यांनी त्यांच्या सोशल मीडियावर पोस्ट करत भाजपावर टीका केली होती. सगळीकडे कमिशन खाणारी पार्टी म्हणजे भाजपा आहे. त्यांना सभेला पैसे देऊन रोजाने माणसं आणावे लागतात हे आता जगजाहीर आहे. असे ते म्हणाले होते.

या टिकेला प्रत्युत्तर देताना “रोहित पवार यांना अमरावतीचा अभ्यास कमी आहे. केंद्रीय गृहमंत्री अमित शाह यांच्या सभेसाठी लाखो महिला आल्या होत्या. या लाखो महिलांना पाणी वाटण्यासाठी आम्ही १०० ते १५० महिलांना काम दिले होते. जेणेकरून सभेला उपस्थित महिलांना जागेवरून उठावे लागणार नाही. पाणी पाजण्यासाठी त्यांना मानधन देण्यात आले होते. त्यासाठी ते पैसे वाटण्यात आले. तोच व्हिडिओ वारंवार दाखवला जात आहे. आता लाखोंच्या संख्येने एवढ्या कडक उन्हाळ्यात सभेला आलेल्या लोकांना पाणीही द्यायचे नाही का?”, असा सवाल करत रवी राणा यांनी स्पष्टीकरण दिले होते.