पुणे : घोरपडे पेठेत मध्यरात्री सदनिकेत शिरून परप्रांतीय तरुणावर गोळीबार; तरुणाचा गोळीबारात मृत्यू

अनिल साहू (वय ३५, रा. खडकमाळ आळी, घोरपडे पेठ) असे मृत्युमुखी पडलेल्या कामगाराचे नाव आहे. साहू मूळचा बिहारमधील आहे. साहू कारागीर आहे. साहू, त्याची पत्नी आणि कामगार खडकमाळ आळीत सिंहगड गॅरेज चौक परिसरात एका सोसायटीत भाडेतत्वावर सदनिका घेऊन राहत आहेत. मध्यरात्री दोनच्या सुमारास हल्लेखोराने सदनिकेत शिरून साहूवर गोळीबार केला. गोळीबारात गंभीर जखमी झालेल्या साहूला तातडीने रुग्णालयात दाखल करण्यात आले. उपचारांपूर्वीच त्याचा मृत्यू झाला.

हेही वाचा – मांजरीत गोदामात एकामागोमाग एक सहा सिलेंडरचा स्फोट, अग्निशामक दलाच्या तत्परतेमुळे अनर्थ टळला

हेही वाचा – गुऱ्हाळघरे अडचणीत; निर्बंध लादण्यास विरोध

या घटनेची माहिती मिळताच खडक पोलीस ठाण्याचे वरिष्ठ पोलीस निरीक्षक सुनील माने यांनी घटनास्थळी भेट दिली. साहू याच्या खुनामागचे कारण समजू शकले नाही. पोलिसांकडून हल्लेखोराचा शोध घेण्यात येत आहे.