फ्लॅटधारकाची सुरक्षा रक्षकाला मारहाण, घटना सीसीटीव्हीत कैद

पोलिसांनी दिलेल्या माहितीनुसार, सोमवारी दुपारच्या सुमारास वाकडच्या वर्धमान सोसायटीत सुरक्षा रक्षकाला मारहाण झाली. वर्धमान सोसायटीमध्ये काही व्हिजिटर आले होते. त्यांना २०८ नंबर च्या फ्लॅटमध्ये जायचं होतं. मात्र चुकून सुरक्षा रक्षक सुदाम यांनी सुभाष कस्पटे यांचा फ्लॅट चा नंबर दिला. सुभाष यांना तुमच्याकडे व्हिजिटर आले आहेत असा चुकीने संदेश गेला. त्यामुळे सुभाष यांचं म्हणणं आहे की, त्यांना माझ्या घरी का पाठवलं चुकीचा नंबर का दिला? असा त्यांचा गैरसमज झाला. या गैरसमजातूनच त्यांनी सुरक्षा रक्षकाला मारहाण केली. अशी माहिती वाकड पोलिसांनी दिली आहे. या घटने प्रकरणी सुरक्षा रक्षक सुदाम चव्हाण यांनी वाकड पोलिसात तक्रार दिली आहे.