chinchwad- kasba Bypoll Election: कसबा आणि चिंचवड विधानसभा मतदारसंघांच्या पोटनिवडणुकीसाठी मतदानाला सुरुवात झाली आहे. कसबा मतदारसंघातील महाविकास आघाडीचे उमेदवार रविंद्र धंगेकर यांनी रविवार पेठेतील मनपा शाळा क्र.९ मध्ये, तर महायुतीचे उमेदवार हेमंत रासने यांनी नू.म.वी शाळेत मतदान केलं. मतदानानंतर रासने यांनी धंगेकरांच्या आंदोलनावर टीका केली आहे. धंगेकरांचे आंदोलन म्हणजे स्टंटबाजी असल्याचा टोला रासने यांनी लगावला आहे. तसेच जनता माझ्या पाठीशी असल्याचा विश्वासही रासने यांनी व्यक्त केला आहे. कसबा मतदारसंघात भाजपाचे हेमंत रासने आणि महाविकास आघाडीचे धंगेकर यांच्यात चुरस आहे. हेही वाचा- कसबा विधानसभा पोटनिवडणूक : “येडा गबाळा पप्पू बरा, पण…”, महिला मतदाराची भाजपावर टीका श्रीमंत दगडूशेठ हलवाई गणपती मंडळाचा कार्यकर्ता या नात्याने मी सार्वजनिक जीवनात कार्यरत आहे. नगरसेवक म्हणून १५ वर्षे आणि स्थायी समिती अध्यक्ष म्हणून २७ महिने काम केले. पक्षाने दिलेली जबादारी यशस्वीपणे पार पाडली आहे. पक्ष नेतृत्वाचा आणि नागरिकांचा विश्वास सार्थ ठरवेन, असे रासने यांनी सांगितले. करोना काळात सगळ्या देशात आर्थिक चणचण जाणवत असताना अभय योजनेच्या माध्यमातून महापालिकेचे उत्पन्न वाढविण्यासाठी केलेले प्रयत्न पुणेकरांना ठाऊक आहेत. करोना काळात पुणेकरांची केलेली सेवा आता मला भरघोस मतदानाद्वारे आशीर्वाद देऊन जाईल, असे रासने यांनी सांगितले. हेही वाचा- कसबा, चिंचवडमध्ये मतदानाला शांततेत सुरुवात; सनईच्या स्वरात आणि रांगोळ्यांनी मतदारांचं स्वागत भाजपाने पोलिसांना सोबत घेऊन पैसे वाटल्याचा आरोप कसबा मतदारसंघातील महाविकास आघाडीचे उमेदवार रविंद्र धंगेकर यांनी केला आहे. याला विरोध म्हणून धंगेकरांनी कसबा गणपती मंदिरासमोर उपोषण केलं होतं. मात्र पोलिसांनी त्यांना कारवाईच आश्वासन दिलं, त्यामुळे त्यांनी उपोषण सोडलं. हेही वाचा- पुण्याच्या मेट्रो प्रकल्पाच्या बांधकामात गंभीर तांत्रिक चूक, सुप्रिया सुळेंचा मोठा दावा; म्हणाल्या, “पंतप्रधान मोदींनी…” चिंचवडमध्ये तिंरगी लढत होत आहे. दिवंगत आमदार लक्ष्मण जगताप यांच्या पत्नी अश्विनी जगतात तेथून निवडणूक लढवत आहेत. तर त्यांच्या विरोधात महाविकास आघाडीचे उमेदवार नाना काटे निवडणूक लढवतायेत. तर अपक्ष म्हणून राहुल कलाटे निवडणुकीच्या मैदानात आहेत. दरम्यान, आज पोलिस बंदोबस्त वाढवण्यात आला असून सर्व यंत्रणा सज्ज ठेवण्यात आली आहे.
