अंमली पदार्थ विकणाऱ्या टोळीला पुणे पोलिसांनी मुद्देमालासह अटक केली आहे. या प्रकरणात पोलिसांनी पाच जणांना अटक केली आहे. त्यांच्याकडून १३ लाख ८० हजार रुपये किमतीचे ३ किलो ४५० ग्रम चरस आणि चार चाकी गाड़ी जप्त करण्यात आली. पोलिसांनी दिलेल्या माहिती नुसार, पुण्यातील नगररोड येथील फिनिक्स मॉल समोर या परिसरात ५ जण चरस घेऊन येणार आहेत अशी माहिती मिळाली. गुन्हे शाखेने सापळा रचून आरोपी समाधान दत्तु गोरे, आसाराम वैजनाथ रामा सांगळे, भास्कर दत्तू गोपाळघरे, फिरोज इकबाल पंजाबी या पाच जणांना अटक करण्यात आली आहे. एनडीपीएस अॅक्टनुसार त्यांच्यावर गुन्हा नोंदवण्यात आला आहे.