पुणे : बिबवेवाडीतील इंदिरानगर आगारात पीएमपी बसला आग; प्रवासी नसल्याने अनर्थ टळला

बिबवेवाडीतील इंदिरानगर बस डेपोच्या आवारात पीएमपी बसला अचानक आग लागली. बसमध्ये प्रवासी नसल्याने अनर्थ टळला. अग्निशमन दलाच्या जवानांनी आग आटोेक्यात आणली. अप्पर  इंदिरानगर बसडेपोच्या आवारात लावण्यात आलेल्या बसमधील इंजिनाने अचानक पेट घेतला. या घटनेची माहिती मिळताच अग्निशमन दलाचे केंद्र प्रमुख सुनील नाईकनवरे, निलेश कदम, जवान जितेंद्र कुंभार, निलेश कदम यांनी घटनास्थळी धाव घेतली.