Pune Couple Viral Video : पुण्यात प्रेमी युगुलाचे बाईकवर बसून चाळे, सोशल मीडियावर व्हिडीओ तुफान व्हायरल, नेमकी घटना काय?

व्हिडीओत नेमकं काय दिसतं आहे?

वेगाने जाणाऱ्या एका दुचाकीवर एक तरुण-तरुणी चाळे करतानाचा या व्हिडिओत दिसत आहेत. हा व्हिडीओ सोशल मीडियावर वाऱ्यासारखा व्हायरल झाला आहे. या जोडप्यावर कारवाई करण्याची मागणी आता नेटकरी करु लागले आहेत. दरम्यान या तरूणीने आपलं तोंड स्कार्फने बांधलेलं आहे, तर व्हिडीओमध्ये ते दोघे एकमेकांना मिठी मारताना देखील ते दिसतात, जाणारे येणारे सर्वजण त्यांच्याकडे पाहात आहेत. मात्र या दोघांना कशाचीच पर्वा उरलेली दिसत नाही. पुण्यातला हा व्हिडीओ चांगलाच चर्चेत आला आहे.

पाहा व्हिडीओ

काही दिवसांपूर्वी मुंबईतही तरुण-तरुणीचा धिंगाणा

काही दिवसांपूर्वी मुंबईतल्या मालाड लिंक रोडवर मध्यरात्री एका कारमध्ये तरुण आणि तरुणीने असाच धिंगाणा घातल्याचा प्रकार उघडकीस आला होता. तरुण आणि तरुणीने कारच्या सन रुफमधून बाहेर येत मालाड लिंक रोड मीठ चौकीजवळ रस्त्यावर धिंगाणा घातला. भरधाव वेगामध्ये कार चालवून स्वतःचा जीव आणि इतरांच्या जीव धोक्यात घालून तरुणांचा धिंगाणा सुरु होता. हा व्हिडिओ सध्या सोशल मिडीयावर जोरदार व्हायरल झाला आहे. या प्रकरणी कांदिवली वाहतूक पोलिसांच्या फिर्यादीवरून या तरुणांच्या विरोधात बांगुर नगर पोलीस स्टेशनमध्ये गुन्हा दाखल करण्यात आला होता.

पोलीस उपायुक्त हिम्मत जाधव काय म्हणाले?

एका दुचाकीवर एक तरुणी पेट्रोलच्या टाकीवर उलट बसून दुचाकी चालकासोबत बोलत प्रवास करत असतानाचा व्हिडीओ व्हायरल झाला आहे. त्या पार्श्वभूमीवर आम्ही संबंधित दुचाकी चालकाचा शोध घेऊन वाहतूक कायद्यानुसार कारवाई करणार आहोत,तसेच वाहतूक नियमांचे कोणी ही उल्लंघन करू नये, अन्यथा कारवाई केली जाईल, असं पोलीस उपायुक्त हिम्मत जाधव म्हणाले.