scorecardresearch

पुणे : कात्रज बोगद्यामध्ये चारचाकी वाहनाला भीषण आग

सकाळी ११ वाजण्याच्या सुमारास घडली घटना

पुणे : कात्रज बोगद्यामध्ये चारचाकी वाहनाला भीषण आग

कात्रज नवीन बोगद्यामध्ये एक चारचाकी वाहन जळून खाक झाल्याची घटना घडली आहे. अग्निशामक विभागाच्या अधिकाऱ्यांनी दिलेल्या माहितीनुसार, कर्वेनगर येथून सातार्‍याच्या दिशेने एक कुटुंब चार चाकी वाहनातून कात्रज बोगद्यातून ११ वाजण्याच्या सुमारास जात होते. तेवढय़ात गाडीच्या पुढील भागातून धूर येत होता.

गाडी बाजूला घेऊन सर्वजण खाली उतरले. त्याच दरम्यान गाडीने पेट घेतला आणि या घटनेची माहिती आम्हाला मिळताच, आम्ही काही मिनिटात घटनास्थळी पोहोचलो. मात्र तोपर्यंत गाडी जळून खाक झाली होती. ही आग शॉर्ट सर्किटमुळे लागली असावी, असा अंदाज असल्याचे त्यांनी सांगितले.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pune four wheeler caught fire in katraj tunnel msr 87 svk

ताज्या बातम्या