“संजय दत्तला वाटलं होतं कुणीतरी त्याचा एन्काऊंटर…”, मीरा बोरवणकर यांनी सांगितला ‘तो’ प्रसंग

संजय दत्तबाबत काय म्हणाल्या मीरा बोरवणकर?

संजय दत्तला रात्रीच्या वेळी मुंबईहून पुण्यातल्या येरवडा तुरुंगात आणलं गेलं तेव्हा तो आजारी झाला होता, तेव्हा नेमकं काय झालं होतं? हे विचारलं असता मीरा बोरवणकर म्हणाल्या, “सेलिब्रेटी संजय दत्त होता, आमच्यासाठी तो आरोपी होता. त्याला पुण्याला शिफ्ट करायचं ठरलं होतं. आधी एकदा शिफ्ट करताना इतके मीडियाचे लोक आमच्या गाडीच्या मागे आले की तो सगळा प्रसंग हास्यास्पद झाला होता. त्यानंतर यावेळी संजय दत्तला शिफ्ट करताना आम्ही ठरवलं संजय दत्तला आर्थर रोडहून येरवड्याला आणताना कुणाला कळायला नको. त्यामुळे आम्ही रात्री त्याला आर्थर रोड तुरुंगातून येरवडा तुरुंगात आणत होतो. त्यावेळी संजय दत्त घाबरला होता त्याला वाटलं की माझा रस्त्यात कुणीतरी एन्काऊंटर करतील. तो आजारीही झाला होता. आम्ही त्याला ज्या रात्री त्याला शिफ्ट करणार होतो त्यावेळी डीआयजी रँकचा अधिकारी पाठवला होता. मात्र त्यावेळी आम्ही त्याला शिफ्ट केलं नाही कारण त्याची तब्बेत बिघडली होती. आम्ही संजय दत्तला हे पण सांगितलं की तुरुंगाचे अधिकारी कधीही एन्काऊंटर करत नाही. आम्ही तुला सुरक्षितपणे येरवडा तुरुंगात आणू, असं सांगितल्यावर त्याला पटलं आणि आम्ही त्याला येरवड्याला आणलं.” असा प्रसंग मीरा बोरवणकर यांनी सांगितला.

हे पण वाचा- “शासकीय जागेवर बिल्डरची नजर असतेच”, मीरा बोरवणकरांचा पुन्हा आरोप, म्हणाल्या…

कसाबला येरवड्यात आणणताही सिक्रेसी पाळली

कसाबला आम्ही येरवडा या ठिकाणी आणलं ते देखील आमच्यासाठी आव्हान होतं. त्याला आर्थर रोडमधून बाहेर काढणं, क्राईम ब्रांचकडून त्याचा ताबा घेणं आणि येरवड्याला आणणं हे सगळं सिक्रेट ऑपरेशन होतं. मात्र मुंबईतल्या एका पत्रकाराला कसाबला पुण्याला आणणार हे समजलं. आम्ही त्याला फाशी द्यायला येरवड्यात आणतो आहोत हे त्या पत्रकाराला माहित नव्हतं असंही मीरा बोरवणकर यांनी म्हटलं आहे.