आमरस काळा पडू नये यासाठी ‘या’ ट्रिक्सची घ्या मदत; आंब्याचा सीझन संपल्यावरही खा रसाळ आमरस

आंब्यापासून तयार केला जाणारा सर्वात लोकप्रिय पदार्थ म्हणजे आमरस असे आपल्याकडे मानले जाते. बऱ्याचजणांकडे उन्हाळ्यात घरी आंबे आणले की त्यातील थोड्या आंब्यांपासून आमरस तयार करुन खाल्ला जातो. सणवाराला पुरीबरोबर आमरसाची वाटी हमखास पाहायला मिळते. महागड्या आंब्यापासून तयार केलेला हा आमरस लगेच खाणे योग्य मानले जाते. पण काही वेळेस आमरस जास्त प्रमाणात तयार केल्यावर तो साठवून ठेवावा लागतो. आमरस बनवताना किंवा साठवून ठेवताना केलेल्या चुकांमुळे तो काळा पडून खराब होण्याची शक्यता असते. असे झाल्यास आंबे खरेदी करण्यासाठी खर्च केलेले पैसे, आमरस बनवताना लागलेला वेळ आणि मेहनत सर्वकाही वाया जाऊ शकते.

घरी साठवून ठेवलेला आमरस खराब होऊ नये यासाठी पुढील ट्रिक्स फॉलो कराव्यात…

१. आमरस केल्यावर तो झाकण लावून डबा बंद करावा.
२. त्यात मीठ घालु नये ,थोडीशी साखर घालावी.
३. आमरस मध्ये शक्यतो दूध घालू नये.
४. फ्रिजमध्ये ठेवायचे असल्यास काचेच्या डब्यात ठेवावा.
५. रस काढताना संपूर्ण पिकलेल्या आंब्याचा वापर करावा.
६. रस काढण्याआधी आंबे थोडावेळ पाण्यात भिजवून ठेवावेत किंवा गर पाण्याने धुवून घ्यावेत.

आणखी वाचा – Mango season! आंबा खाण्याची योग्य वेळ कोणती? जाणून घ्या डॉक्टर काय सांगतात

आंबा हे फळ वर्षातून एकदाच बाजारात उपलब्ध होत असल्याने याचा आस्वाद पुढेही घेता यावा म्हणून लोक घरच्या घरी आमरस तयार करतात. वर दिलेल्या ट्रिक्सच्या मदतीने आमरस बराच काळासाठी चांगला टिकून राहील.