Mango recipes marathi: अक्षय्य तृतीयेचा दिन हिंदू धर्मामधील अतिशय महत्त्वपूर्ण दिवस मानला जातो. या दिवशी लक्ष्मीमाता आणि धनाची देवता कुबेराची घरोघरी पूजा केली जाते. खास पक्वान्नासह गोड पदार्थांचाही नैवेद्य अर्पण केला जातो. यंदा अक्षय्य तृतीयेनिमित्त तुम्ही आंब्याच्या वेगवेगळ्या रेसिपी ट्राय करु शकता.

१. मँगो चीजकेक (Mango cheesecake)

साहित्य:
बेस-

  • मारी बिस्कीट (१२५ ग्रॅम)
  • मेल्ट केलेले बटर (७५ ग्रॅम)
  • मिक्श्चर-क्रीम चीज (५०० ग्रॅम)
  • पिठी साखर (१०० ग्रॅम)
  • अंडी (१०० ग्रॅम)
  • व्हॅनिला इसेन्स
  • कॉर्नफ्लोर (१२ ग्रॅम)
  • दही (१२५ ग्रॅम)
  • मँगो पल्प (१२० ग्रॅम)
  • आंब्याचे काप (४०० ग्रॅम)

कृती:

  • मारी बिस्कीट व्यवस्थितपणे कुस्करुन त्यात वितळलेले बटर घाला.
  • केकच्या साच्यामध्ये ते मिश्रण टाका आणि केकचा बेस तयार करा.
  • क्रीम चीज आणि साखर एकत्र मिसळा. त्यात अंडी आणि व्हॅनिला इसेन्स घाला.
  • मिश्रणामध्ये कॉर्नफ्लोअर टाकून ते नीट ढवळा. पुढे त्यामध्ये दही, मँगो पल्प टाका.
  • बेसच्यावर हे मिश्रण टाकून केकचा साचा पूर्ण भरुन टाका.
  • बेसचे प्रमाण १:४ आणि चीजच्या मिश्रणाचे प्रमाण ३:४ असावे.
  • पुढे १६० डिग्री सेल्सिअस तापमानात ते मिश्रण बेक करा.
  • केक तयार झाल्यावर थंड होऊ द्या. त्यानंतर त्यावर आंब्याचे काप लावून सजवा.
  • (रेसिपीतील साहित्याचे प्रमाण हे २ केक्सनुसार देण्यात आले आहे. Recipe Credits – Chef Danish Khan,)

२. मँगो मूस (Mango Mousse Cake)

साहित्य:

बेससाठीचे साहित्य –

डायजेस्टिव्ह बिस्कीट (८० ग्रॅम)
वितळलेले अनसॉल्टेड बटर (३५ ग्रॅम)

मूस तयार करण्यासाठीचे साहित्य-

  • व्हीपिंग क्रीम (२५० ग्रॅम)
  • साखर (५० ग्रॅम)
  • जिलेटिन (१५ ग्रॅम)
  • मँगो प्युरी (२५० ग्रॅम)
  • मँगो लेयरसाठीचे साहित्य-
  • मँगो प्युरी (१२० ग्रॅम)
  • जिलेटिन (४ ग्रॅम)
हेही वाचा >> कडक उन्हाळ्यात बनवा थंडगार ‘मॅंगो लस्सी’, आंब्याच्या सीझनमधली सगळ्यात बेस्ट रेसिपी

कृती:

  • बिस्कीटे कुस्करुन वितळलेल्या बटरमध्ये टाका. केकच्या साच्यात ते मिश्रण टाकून ३० मिनिटांसाठी थंड होऊ द्या.
  • मँगो प्युरीमध्ये २ चमचे पाणी मिसळून ते मिश्रण बाजूला ठेवून द्या.
  • जिलेटिनची शीट थंड पाण्यात ठेवून मऊ होऊ द्या. ते वितळण्यासाठी गरम पाण्याच्या भांड्यात ठेवा.
  • प्युरीत जिलेटन घालून व्यवस्थितपणे मिसळा. व्हीपिंग क्रीम जोपर्यंत मऊ होत नाही, तोपर्यंत नीट ढवळा.
  • पुढे व्हीपिंग क्रीम आणि मँगो प्युरी एकत्र करुन मिसळा. ते मिश्रण केकच्या साच्यात टाका.
  • चार तासांसाठी ते फ्रीजमध्ये ठेवून द्या. त्यात आंब्याचे तुकडे देखील घालता येतात.