How to Make Lassi : ऐन उन्हाळ्यात कोणीतरी थंड दही लस्सीचा ग्लास हातात दिला तर तुमचा दिवस सार्थकी लागतो. दह्याची लस्सी चविष्ट आहेच पण त्यासोबतच शरीरासाठी खूप फायदेशीर आहे. दह्याची लस्सी शरीराला थंड ठेवण्यासाठी खूप मदत करते, विशेषतः उन्हाळ्यात. यासोबतच दह्याची लस्सी प्यायल्याने पचनक्रिया सुधारते. दही हे आतड्याच्या आरोग्यासाठी खूप फायदेशीर मानले जाते. जर तुम्हालाही दह्याची लस्सी प्यायला आवडत असेल तर ती काही मिनिटांत तयार होऊ शकते.
दही लस्सी तयार करण्यासाठी कोणत्याही विशेष पदार्थांची गरज नाही. हे फक्त दही आणि साखरेच्या मदतीने तयार केले जाऊ शकते. घरातील पाहुण्यांना घरगुती पेय देण्यासाठी दह्याची लस्सी ही एक उत्तम पर्याय आहे. चला जाणून घेऊया दह्याची लस्सी करण्याची सोपी पद्धत.
दह्याची लस्सी करण्यासाठी साहित्य
दही – १/२ किलो
दूध – १ कप
काजू – ५
बदाम – ५
टुटी फ्रुटी – १ टीस्पून
मलई – २ टीस्पून
साखर – १/२ कप
बर्फाचे तुकडे
हेही वाचा : कडक उन्हाळ्यात आईस टी देईल शरीराला थंडावा! जाणून घ्या कसा तयार करावा
दही लस्सी करण्याची कृती
स्वादिष्ट दह्याची लस्सी बनवण्यासाठी प्रथम एक मोठे भांडे घ्या आणि त्यात दही घाला. यानंतर रवीच्या साहाय्याने 30-40 सेकंद दही घुसळा. यानंतर, भांड्यात साखर घाला आणि दह्याबरोबर साखर एकसंध होईपर्यंत पुन्हा रवीने मिसळा. आता दह्यामध्ये थंड दूध घालून परत एकदा चांगले घुसळून घ्या. घुसळण्याची प्रक्रिया 2-3 मिनिटे करा. या दह्याने लस्सी गुळगुळीत होते.
आता काजू आणि बदामाचे बारीक तुकडे करा आणि एका भांड्यात फ्रेश क्रीम काढा. जर तुम्हाला थंड लस्सी प्यायची असेल तर तयार केलेली लस्सी काही वेळ फ्रिजमध्ये भांड्यात थंड होण्यासाठी ठेवा. लस्सी थंड झाल्यावर भांडी बाहेर काढा आणि लस्सी सर्व्हिंग ग्लासमध्ये घाला. त्यावर फ्रेश क्रीम आणि चिरलेला ड्राय फ्रूट्स टाका. शेवटी बर्फाचे तुकडे घालून सर्व्ह करा.
