साहित्य : तांदळाचे पीठ, पाणी, ओल्या नारळाचा किस, गूळ एक प्रत्येकी एक वाटी, हळदीची पाने, वेलची पूड, मीठ आणि तूप. कृती : ओल्या नारळाचा किस, गूळ, वेलची एकत्र शिजवून मोदकात घालतात तसे सारण करून घ्या. सारण शिजेपर्यंत पाणी उकळवून घ्या. त्यात तूप आणि मीठ टाका. उकळत्या पाण्यात तांदळाचे पीठ टाकून उकड काढून घ्या. उकड थोडीशी थंड झाल्यावर ती व्यवस्थित माळून घ्या. हळदीच्या पानाला थोडे तूप किंवा पाणी लावून त्यावर उकडीचा पातळ थर पसरवा. पानाच्या एका बाजूवर सारण पसरवा आणि पान दुमडून ठेवा. सर्व पाने तयार झाल्यावर मोदक उकडतात त्याप्रमाणे उकडवून घ्या. गरम गरम पातोळ्यांवर तूप घालून वाढा.
