Raw Banana Chivda: मुलांच्या खाऊच्या डब्यासाठी बनवा ‘कच्चा केळींचा चिवडा’ ; चटपटीत अन् पौष्टिक पदार्थ कसा बनवायचा? साहित्य, कृती लिहून घ्या

साहित्य :

१. कच्ची केळी – पाच ते सहा
२. शेंगदाणे – एक चमचा
३. काजूचे तुकडे – एक चमचा
४. खोबऱ्याचा किस किंवा कातळी – अर्धी वाटी
५. बेदाणे – एक चमचा
६. तीळ – एक चमचा
७. मीठ
८. हळद
९. तिखट
१०. साखर
११. तेल
१२. हिंग
१३. मोहरी
१४. धने-जिरेपूड

हेही वाचा…Leftover Rice Recipe: १० मिनिटांत करा रात्री उरलेल्या भाताचा हा टेस्टी पदार्थ; साहित्य, कृती लगेच नोट करून घ्या

कृती :

१. केळ्यांची साले काढून किसून घ्या.
२. किस पाण्यात घाला.
३. त्यानंतर हा किस एका कापडावर पसरवून घ्या.
४.कढईत तेल घ्या आणि हा किस कुरकुरीत तळून घ्या.
५. तेल तापवून हिंग, मोहरीची फोडणी करून त्यावर शेंगदाणे, काजू तुकडे, खोबऱ्याच्या कातळ्या किंवा किस, बेदाणे, तीळ, एकामागून एक तळून घ्यावे.
६. त्यावर तळलेला केळ्याचा किस घालून वर मीठ, साखर(पिठी), हळद, तिखट, धने-जिरे पूड घालून गॅस बंद करावा.
७. अशाप्रकारे तुमचा ‘कच्चा केळींचा चिवडा’ तयार.

महाराष्ट्रासह देशातील सर्वात लोकप्रिय फळांपैकी एक म्हणजे ‘केळी’. पिवळ्या आणि हिरव्या रंगाची केळी बाराही महिने उपलब्ध असतात. केळ्यांमध्ये भरपूर पोषक घटक असतात. कच्च्या केळीचे अनेक पदार्थ बनवले जातात. तुम्ही आतापर्यंत कच्च्या केळीचे अनेक पदार्थ खाल्ले असतील. वेफर्स, भजी, भाजी आदी. तर आज आपण कच्च्या केळाचा चिवडा कसा बनवायचा हे पहिला ; जो तुम्ही ऑफिसलाही घेऊन जाऊ शकता, मुलांना खाऊच्या डब्यातही देऊ शकता.