मध्यमगती गोलंदाजाची धाव व चेंडू टाकण्याची तशीच झटपट शैली यामुळे मूळचे फिरकी गोलंदाज असूनही डेरेक अंडरवूड यांची गोलंदाजी भल्याभल्या फलंदाजांना चकवा देत असे. ते इंग्लंडचे सर्वात यशस्वी कसोटी फिरकी गोलंदाज ठरले. केरी पॅकर सर्कस आणि दक्षिण आफ्रिकेचा बंडखोर दौरा हे मोह टाळले असते, तर अंडरवूड यांनी ३०० बळींचा पल्ला सहज ओलांडला असता. पण ते आवरता न आल्यामुळे त्यांची कारकीर्द २९७ बळींपाशी समाप्त झाली. ३०० बळी व त्या वेळचे सर्वाधिक यशस्वी इंग्लिश गोलंदाज फ्रेड ट्रुमन यांचे ३०७ बळी ही दोन उद्दिष्टे हाकेच्या अंतरावर राहिली. अर्थात क्रिकेटवर निस्सीम प्रेम आणि ऋजू स्वभाव यांमुळे त्याविषयी अंडरवूड यांना कधी विषाद वाटल्याचे दिसले नाही.

हेही वाचा >>> अन्वयार्थ : पुन्हा कान टोचले; आता तरी सुधारा..

Yash Dayal's video call to his mother after the win
IPL 2024 : ‘आता तुला कसं वाटतयं आई?’, आरसीबीला विजय मिळवून दिल्यानंतर यश दयाल व्हिडीओ कॉलवर भावूक
Royal Challengers Bengaluru beat Chennai Super Kings by 27 runs
IPL 2024 : RCB ने प्लेऑफ्ससाठी पात्र ठरून रचला इतिहास, आयपीएलमध्ये ‘हा’ पराक्रम करणारा ठरला पहिला संघ
Hardik Pandya banned from 1st match of ipl 2025
IPL 2024 : BCCI ची हार्दिक पंड्यावर मोठी कारवाई! पुढील हंगामातील पहिल्याच सामन्यात खेळण्यावर घातली बंदी
Kohli Scores 600 Runs In IPL 2024 in PBKS vs RCB match
PBKS vs RCB : विराटने पंजाबविरुद्ध रचला इतिहास, IPL मध्ये ‘ही’ कामगिरी करणारा ठरला पहिला फलंदाज
Kolkata Knight Riders vs Delhi Capitals Match Updates in Marathi
IPL2024 : कोलकातासाठी २४.७५ कोटींचा गोलंदाज पडला महागात, फक्त पॉवरप्लेमध्ये दिल्या आहेत तब्बल ‘इतक्या’ धावा
Good news for LSG team Mayank Yadav available for match against Mumbai
Mayank Yadav : लखनऊसाठी आनंदाची बातमी, ‘हा’ स्टार वेगवान गोलंदाज मुंबईविरुद्धच्या सामन्यापूर्वी झाला फिट
Mutafizur Rehman To Miss Chennai Super Kings Matches as going back to bangladesh for BAN vs ZIM T20 Series
IPL 2024: चेन्नई सुपर किंग्सला मोठा धक्का, प्लेऑफसाठी महत्त्वाच्या सामन्यांमधून हा गोलंदाज होणार बाहेर
cricketer ashish nehra fast bowler used to use nokia phone in smartphone world
ऑड मॅन आऊट! स्मार्टफोनच्या काळात नेहरा वापरायचा बाबा आझमच्या काळातला नोकिया फोन, २०१७ मध्ये उघडले होते व्हॉट्सअप

१९६६ ते १९८२ या काळात ८६ कसोटी सामन्यांमध्ये त्यांनी २५.८३च्या सरासरीने २९७ बळी मिळवले. प्रथम श्रेणी क्रिकेटची संपूर्ण कारकीर्द ते इंग्लिश कौंटी केंटकडून खेळले. या क्लबसाठी त्यांनी जवळपास अडीच हजार बळी मिळवले. अंडरवूड यांची डावखुरी फिरकी गोलंदाजी शैली पाहणे हा अत्यंत सुखद अनुभव होता. त्यांची धाव मध्यमगती गोलंदाजासारखी असे आणि मध्यमगती गोलंदाजाप्रमाणेच झटक्यात चेंडूफेकही व्हायची. रूढार्थाने पारंपरिक धिमी फिरकी गोलंदाजी त्यांनी कधी केली नाही. पण चेंडू आणि दिशेवर नियंत्रण विलक्षण होते. पावसामुळे खेळपट्टी ओली झाली असेल, तर  अंडरवूड यांची गोलंदाजी कर्दनकाळ ठरायची. त्यांच्या या वैशिष्टयामुळेच अंडरवूड यांना ‘डेडली’ ही उपाधी केंटमधील त्यांच्या सहकाऱ्यांनी दिली आणि ती क्रिकेट जगतातही स्वीकारली गेली. फिरकी गोलंदाजी उत्तम खेळणाऱ्या भारतीय संघाविरुद्ध आणि त्यातही विक्रमवीर सुनील गावस्कर यांच्याविरुद्ध अंडरवूड विलक्षण प्रभावी ठरत. १९७२-७३मध्ये भारतात झालेल्या मालिकेत त्यांनी गावस्कर यांना १० डावांत ४ वेळा बाद केले. एकूण कारकीर्दीमध्ये अंडरवूड यांच्या गोलंदाजीवर गावस्कर १२ वेळा बाद झाले. गावस्कर यांना त्यांच्यापेक्षा अधिक वेळा कुणीही बाद केलेले नाही. म्हणूनच वेस्ट इंडिजचे अँडी रॉबर्ट्स आणि इंग्लंडचे डेरेक अंडरवूड हे आपण ज्यांच्याविरुद्ध खेळलो असे दोन सर्वाधिक अवघड गोलंदाज, असे गावस्कर आजही म्हणतात. अंडरवूड हे भारताप्रमाणेच ऑस्ट्रेलियातही यशस्वी ठरले. बिशनसिंग बेदींप्रमाणे वैविध्य आणि वळण त्यांच्या गोलंदाजीमध्ये दिसून येत नसे. पण वेगात बदल करून ते फलंदाजांस जेरीस आणत. १९७१मध्ये वयाच्या २५व्या वर्षी कसोटी क्रिकेटमध्ये १०० बळी आणि प्रथमश्रेणी क्रिकेटमध्ये १००० बळी अशी दुहेरी कामगिरी त्यांनी करून दाखवली. सप्टेंबर १९६९ ते ऑगस्ट १९७३ या काळात आंतरराष्ट्रीय क्रिकेटमधील सर्वोत्तम गोलंदाज ठरलेले डेरेक अंडरवूड यांचे नुकतेच निधन झाले.