Jio Calendar Month Plan: देशातील सर्वात मोठी दूरसंचार कंपनी जिओ प्रत्येक वेळी काहीतरी नवीन करते, ज्यामुळे ग्राहकांना आनंद होतो. या एपिसोडमध्ये, कंपनीने काही काळापूर्वी एक विशेष योजना आणली होती, ज्याने २८ दिवसांच्या वैधतेचा त्रास दूर केला होता. या प्लॅनमध्ये २८ दिवस नाही तर पूर्ण ३० आणि ३१ दिवसांची म्हणजेच एक महिन्याची वैधता देण्यात आली होती. खरं तर, भारतीय स्मार्टफोन वापरकर्त्यांची अनेक दिवसांपासून अशी मागणी होती की त्यांना एका महिन्याच्या वैधतेसह रिचार्ज मिळावा आणि यानुसारच आकाश मुकेश अंबानी यांची कंपनी रिलायन्स जिओने बाजारात आपला कॅलेंडर मंथ प्लॅन लाँच केला. या प्लॅनची किंमत २५९ रुपये आहे, जी संपूर्ण महिना म्हणजेच ३१ दिवसांसाठी आहे. चला तर मग जाणून घेऊया या योजनेच्या संपूर्ण तपशीलाबद्दल माहिती.. जिओ कॅलेंडर महिना योजना (Jio Calender Month Plan) रिलायन्स जिओने या प्लानला 'कॅलेंडर मंथ प्लॅन' असे नाव दिले आहे, नावाप्रमाणेच हा मोबाईल प्लान कॅलेंडरनुसार काम करेल. ही योजना विशेष आहे कारण ती कोणत्याही निश्चित वैधतेसह येत नाही. म्हणजेच, या प्लॅनमध्ये दिवसांची मर्यादा निश्चित करण्यात आलेली नाही, परंतु एका महिन्यात जेवढे दिवस, तेवढ्या दिवसांसाठीच हा प्लॅन काम करेल. जर एका महिन्यात ३० दिवस असतील तर हा Jio प्लॅन ३० दिवसांची वैधता देईल आणि जर ३१ दिवसांचा महिना असेल तर Reliance Jio च्या या प्लॅनची वैधता केवळ ३१ दिवसांची असेल. एकंदरीत, जिओचा हा रिचार्ज ज्या महिन्याच्या तारखेला होईल, हा प्लॅन पुढच्या महिन्याच्या त्याच तारखेपर्यंत काम करेल. ( हे ही वाचा: २२६ रुपयांमध्ये मिळतोय Nokia 2660 Flip 4G मोबाईल; दोन डिस्प्लेसह मिळेल दीर्घकाळ बॅटरी बॅकअप) जिओचा २५९ रुपयांचा प्लॅन हा Jio कॅलेंडर मंथ प्लॅन कंपनी २५९ रुपयांना देत आहे. हा प्लॅन रिलायन्स जिओच्या सर्वात स्वस्त मोबाइल प्लॅनपैकी एक आहे. २५९ रुपयांचा हा रिचार्ज प्लॅन ३० दिवस आणि नंतर ३१ दिवसांच्या वैधतेनुसार उपलब्ध असेल, ज्याचा लाभ Jio प्रीपेड वापरकर्ते घेऊ शकतात. या प्लॅनमध्ये उपलब्ध असलेल्या फायद्यांबद्दल सांगायचे तर, कंपनीकडून दररोज १.५जीबी ४जी इंटरनेट डेटा दिला जात आहे. ३० दिवसांच्या महिन्यात, वापरकर्त्यांना एकूण ४५जीबी इंटरनेट डेटा मिळेल आणि ३१ दिवसांच्या महिन्यात Jio मोबाइल वापरकर्ते ४६.५ जीबी ४जी इंटरनेट डेटा घेऊ शकतील. एका दिवसात दीड जीबी डेटा संपल्यानंतरही मोबाईल नंबरवर इंटरनेट कनेक्टिव्हिटी सक्रिय राहील आणि जिओ ग्राहक ६४Kbps च्या स्पीडने इंटरनेटशी कनेक्ट राहू शकतील. ( हे ही वाचा: PhonePe वरून UPI ID एका चुटकीसरशी हटवा; जाणून घ्या सर्वात सोपा मार्ग) २५८ रुपयांच्या या जिओ कॅलेंडर मंथ प्लानमध्ये कंपनीकडून अमर्यादित व्हॉईस कॉलिंग दिले जात आहे. हे कॉल लोकल आणि एसटीडी नंबरवर पूर्णपणे मोफत असतील आणि रोमिंगमध्ये असतानाही ते मोफत काम करतील. यासोबतच ग्राहकांना दररोज १०० एसएमएसही मिळतील. या २५९ रुपयांच्या प्लॅनचे रिचार्ज करणारे वापरकर्ते Jio TV, JioCinema, JioSecurity आणि JioCloud सारखे सर्व Jio अॅप्स विनामूल्य वापरू शकतील.
