नोकियाने अलीकडेच आपल्या 4G मोबाईल पोर्टफोलिओला विस्तारत Nokia 2660 Flip Mobile बाजारात लाँच केला होता. ड्युअल स्क्रीन, ४जी वोल्ट कनेक्टिव्हिटी आणि दीर्घ बॅटरी लाइफसह कंपनीने हा फोन ४,६९९ रुपये किमतीत सादर केला आहे. कमी किंमती सोबत या फोनची खास गोष्ट अशी आहे की तुम्ही हा फोन नो कॉस्ट ईएमआय पर्यायासह खरेदी करू शकता. हा इएमआय २५० रुपयांपेक्षा कमी किंमतीचा असेल. आम्ही तुम्हाला या फोनच्या इएमआय प्लॅनबद्दल तसेच फोनच्या फीचर्स आणि स्पेसिफिकेशन्सबद्दल माहिती देऊ.
नोकिया 2660 फ्लिप 4G मोबाईल 226 मध्ये खरेदी करा
जर तुम्ही हा फोन खरेदी करण्याचा विचार करत असाल, तर अमेझॉन इंडिया वर हँडसेट अमेझॉन पे लेटर, इएमआय आणि नो कॉस्ट इएमआयवर एक्स्चेंज डिस्काउंट व्यतिरिक्त खरेदी करता येईल. जर तुम्ही अमेरिकन एक्सप्रेस क्रेडिट कार्डने फोन विकत घेतला तर २४ महिन्यांच्या ईएमआयवर दर महिन्याला फक्त २२६ रुपये भरावे लागतील. मात्र, यामध्ये ग्राहकांकडून पूर्ण दोन वर्षांसाठी १४ टक्के व्याज आकारले जाईल. त्यानुसार, ४६९९ रुपयांच्या फोनसाठी ग्राहकांना एकूण ५४२४ रुपये मोजावे लागतील. याशिवाय कंपनी फोनवर एक वर्षाची रिप्लेसमेंट गॅरंटी देत आहे.
( हे ही वाचा: Redmi 11 Prime 5G फोन भारतात ६ सप्टेंबरला होणार लाँच; जाणून घ्या किंमत आणि बरंच काही..)
नोकिया 4G मोबाईल विना खर्च EMI खरेदी करा
अमेरिकन एक्सप्रेस क्रेडिट कार्ड व्यतिरिक्त, हा फोन इतर बँक कार्डांवर इएमआयवर देखील घेतला जाऊ शकतो. तसंच, यामध्ये व्याज दर बँकेनुसार बदलू शकतात. त्याच वेळी, Amazon Pay ICICI क्रेडिट कार्डचा पर्याय निवडून, तुम्ही कोणत्याही व्याजदराशिवाय इएमआयवर फोन खरेदी करू शकता. या कार्डद्वारे ग्राहक किमान ७८३ रुपयांचा ईएमआय निवडू शकतो.
नोकिया 2660 फ्लिप वैशिष्ट्ये आणि तपशील
Nokia 2660 Flip च्या फीचर्स आणि स्पेसिफिकेशन्सबद्दल बोलायचे झाले तर, यात २.८ इंचाचा QVGA डिस्प्ले आहे, ज्याचे रिझोल्यूशन २४० x ३२० पिक्सेल आहे. तसेच, फोनच्या मागील बाजूस १.७७ इंचाचा दुय्यम QQVGA डिस्प्ले उपलब्ध आहे, ज्याचे रिझोल्यूशन १२० x १६० पिक्सेल आहे. या फोनमध्ये प्रोसेसर म्हणून Unisoc T107 देण्यात आला आहे. दुसरीकडे, स्टोरेज आणि रॅमबद्दल बोलायचे झाले तर, फोनमध्ये ४८एमबी रॅम आणि१२८एमबी अंतर्गत स्टोरेज आहे. त्याच वेळी, फोटोग्राफीसाठी, यात ०.३ मेगापिक्सेल किंवा VGA कॅमेरा सेन्सर आणि एलईडी फ्लॅश देखील आहे. तसेच, कनेक्टिव्हिटीच्या बाबतीत, या फोनमध्ये ब्लूटूथ ४.२ ड्युअल सिम सपोर्ट, ३.५ मिमी हेडफोन जॅक आणि एक मायक्रो यूएसबी पोर्ट आहे.
( हे ही वाचा: Motorola ने लाँच केला कमी किमतीचा स्मार्टफोन Moto E22s; जाणून घ्या किंमत आणि फीचर्स)
बॅटरी बॅकअपबद्दल बोलायचे झाले तर, Nokia 2660 Flip मध्ये २.७५ वोल्ट वॉट बॅटरी आहे, जी २० तासांपर्यंत बॅटरी बॅकअप देईल. Nokia 2660 फ्लिप फोन S३०+ ऑपरेटिंग सिस्टमवर काम करतो. यूजरच्या मनोरंजनासाठी कंपनीने यामध्ये स्नेक, रेसिंग अटॅक आणि डूडल जंप सारखे गेम दिले आहेत. तसेच, आयामांच्या बाबतीत, या फोनची लांबी १८.९ मिमी, रुंदी १०८ मिमी, जाडी ५५ मिमी आणि वजन १२३ ग्रॅम आहे.
