scorecardresearch

Premium

Internet Banking: सुरक्षित इंटरनेट बँकिंगसाठी आवश्यक असलेल्या या टॉप ५ टिप्स जाणून घ्या

नेट बँकिंगमध्ये फसवणूक आणि फिशिंगचा धोका असतो,तुम्हाला अशाच ५ स्मार्ट टिप्स सांगणार आहोत, ज्या इंटरनेट बँकिंगसाठी आवश्यक आहेत.

net-banking

बिले भरणे असो वा निधी हस्तांतरित करणे, मुदत ठेवी किंवा कर्ज घेणे, या सर्व गोष्टी इंटरनेट बँकिंगद्वारे सहज करता येतात. बँकेत जाऊन लांबच लांब रांगेत थांबण्याऐवजी आता इंटरनेट बँकिंगद्वारे एका क्लिकवर सर्व कामे करता येणार आहेत. पण इंटरनेट बँकिंगसाठी काळजी घेणे आवश्यक आहे. नेट बँकिंगमध्ये फसवणूक आणि फिशिंगचा धोका असतो, म्हणजेच तुमचा पर्सनल बँकिंग डेटा चोरीला गेल्यास तुमचे कष्टाचे पैसे गमावू शकता. आज आम्ही तुम्हाला अशाच ५ स्मार्ट टिप्स सांगणार आहोत, ज्या इंटरनेट बँकिंगसाठी आवश्यक आहेत.

तुमचा पासवर्ड नियमितपणे बदला (Change your password regularly)
जर तुम्ही इंटरनेट बँकिंगसाठी पहिल्यांदा लॉग इन केले असेल तर तुम्हाला बँकेने दिलेला पासवर्ड वापरावा लागेल. पण तुमचे खाते सुरक्षित ठेवण्यासाठी तुम्ही तुमचा पासवर्ड नियमितपणे बदलला पाहिजे. याशिवाय पासवर्ड कोणाशीही शेअर न करणे आणि युनिक पासवर्ड सेट करणे सर्वात महत्त्वाचे आहे. लक्षात ठेवा की तुमची बँक कधीही ईमेल किंवा फोनवरून गोपनीय माहिती विचारत नाही. त्यामुळे तुमचे लॉगिन तपशील कॉल किंवा ईमेलवर कधीही शेअर करू नका. बँकेच्या अधिकृत पेजवर नेहमी तुमचा लॉगिन आयडी आणि पासवर्ड वापरा. लॉग इन करताना URL ‘https://’ यामध्ये तपासून पाहा.

social media harm
तुमची मुले ऑनलाइन जगात सुरक्षित आहेत का? मुलांना ऑनलाइन जगात सुरक्षित ठेवण्यासाठी काय करता येईल? वाचा सविस्तर….
Disney Plus to stop password sharing
काय! नेटफ्लिक्सनंतर Disney Plus देखील ‘पासवर्ड शेअरिंग’ करणार बंद!! माहिती जाणून घ्या
amazfit active smartwatch price and features
Amazfit Active स्मार्टवॉच भारतात लाँच! विकत घेण्याआधी किंमत अन् फीचर जाणून घ्या…
unit linked insurance plan money mantra investment profit
Money Mantra : युनिट लिंक्ड इन्शुरन्स प्लॅन म्हणजे नेमकं काय?

पब्लिक कम्प्यूटरवर लॉग इन करणं टाळा (Do not use public computers to login)
सायबर कॅफे किंवा लायब्ररीमधील सामान्य संगणकांवर तुमच्या बॅंक अकाउंटमध्ये लॉग इन करणं टाळा. अशा ठिकाणी पासवर्ड ट्रेस होण्याचा किंवा इतर लोकांद्वारे पाहण्याचा धोका जास्त असतो. तुम्ही अशा ठिकाणी लॉग इन केल्यास कॅशे आणि ब्राउझिंग हिस्ट्री नक्कीच साफ करा. यानंतर संगणकावरून टेंप फाइल्स हटवा. ब्राउझरमध्ये तुमचा आयडी आणि पासवर्ड कधीही सेव्ह करू नका.

आणखी वाचा : Reliance Jio चा परवडणारा रिचार्ज: १ वर्षाची वैधता, ७३० GB पर्यंत डेटा, अनलिमिटेड कॉल आणि फ्री ऑफर्स

बचत खाते नियमितपणे तपासत रहा (Keep checking your savings account regularly )
कोणताही ऑनलाइन व्यवहार केल्यानंतर तुमचे खाते तपासून खात्री करा. तुमच्या खात्यातून योग्य रक्कम कापली गेली आहे की नाही हे तपासा. तुम्हाला रकमेत काही तफावत आढळल्यास, बँकेला ताबडतोब सूचित करा.

नेहमी परवानाकृत अँटी-व्हायरस सॉफ्टवेअर वापरा (Always use licenced anti-virus software )
तुमच्या संगणकाचे कोणत्याही नवीन व्हायरसपासून संरक्षण करण्यासाठी नेहमी परवानाकृत अँटी-व्हायरस सॉफ्टवेअर वापरण्याची खात्री करा. अँटी-व्हायरस सॉफ्टवेअरच्या पायरेटेड आवृत्त्या विनामूल्य असू शकतात, परंतु ते आपल्या संगणकाचे नवीन व्हायरसपासून संरक्षण करणार नाहीत. याशिवाय सॉफ्टवेअरमध्ये वेळोवेळी येणारे अपडेट्सही नोटिफिकेशन्सद्वारे मिळतात. त्यामुळे लक्षात ठेवा की तुम्हाला तुमची गोपनीय माहिती सुरक्षित ठेवायची असेल तर अँटी-व्हायरसला अपडेटेड ठेवा.

बँकिंग URL टाइप करा (Type your internet banking URL)
ब्राउझरच्या अॅड्रेस बारमध्ये तुमच्या बँकेची URL टाइप करणे सुरक्षित आहे. याशिवाय मेलमध्ये सापडलेल्या लिंकवर क्लिक करून लॉग इन करणे टाळा. बऱ्याचदा फसवणूक करणारे असुरक्षित वेबसाइटच्या लिंक ईमेलमध्ये पाठवतात, ज्या बँकेच्या मूळ वेबसाइटसारख्याच असतात आणि जर तुम्ही अशा वेबसाइटवर लॉगिन डिटेल्स टाकलात तर तुमच्या खात्यात प्रवेश करून तुमचे पैसे चोरू शकतात. URL ‘https://’ यावर बँकेची अधिकृत वेबसाइट आहे याची खात्री करा. याशिवाय, जेव्हा तुम्ही संगणक वापरत नसाल, तेव्हा तुम्ही इंटरनेटपासून डिस्कनेक्ट करता.

Latest Comment
View All Comments
Post Comment

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 5 tips for safe internet banking know all about it prp

First published on: 29-06-2022 at 19:56 IST

संबंधित बातम्या

तुम्ही या बातम्या वाचल्या आहेत का? ×