Aadhaar Card Update Deadline 14 September 2024 : आधार कार्ड हे एक महत्त्वाचे ओळखपत्र आहे. हे अतिशय महत्त्वाचे कागदपत्रे असून प्रत्येक भारतीयाजवळ असणे अनिवार्य आहे. तुमचे आधारकार्ड अपडेटेड आहे आहे का? अनेकदा आधारकार्ड अपडेट न केल्यामुळे अनेक कामे अडतात. त्यामुळे वेळीच आधारकार्ड अपडेट करणे गरजेचे असते.
जर तुमचे आधार कार्ड फार पूर्वी काढले असेल आणि अजुनही अपडेट केले नसेल, तर कोणताही वेळ न घालवता आधार कार्ड अपडेट करा. कारण आधार कार्ड अपडेट करण्याची अंतिम तारीख १४ सप्टेंबर आहे. तुमचा आधार अपडेट करण्यासाठी तुम्हाला ओळखीचा आणि पत्त्याचा पुरावा द्यावा लागेल. (update Adhar card till 14 September otherwise you have to pay 50 ruppes fine, how to update adhar card online)
१४ सप्टेंबरपर्यंत आधारकार्ड अपडेट करा नाहीतर भरावा लागेल इतका दंड
जर तुम्ही १४ सप्टेंबरपर्यंत आधारकार्ड अपडेट केले नाही तर Unique Identification Authority of India ((UIDAI) ५० रुपयांचा दंड आकारेल. Unique Identification Authority तुमचा आधार क्रमांक बायोमेट्रिक माहितीसह UIDAI च्या सेंट्रल आयडेंटिटी डेटा रिपॉझिटरी (CIDR) मध्ये जमा करते. त्यानंतर UIDAI तुम्ही दिलेली माहिती तपासते. अतिरिक्त शुल्क टाळण्यासाठी लगेच आधार कार्ड अपडेट करा.
ऑनलाईन आधार कार्ड अपडेट कसे करावे?
- myaadhaar.uidai.gov. या वेबसाइटवर जा आणि तुमचा आधार क्रमांक वापरून लॉग इन करा.
- जो मोबाईल क्रमांक आधार कार्डशी लिंक आहे त्यावर तुम्हाला ओटीपी येईल.
- त्यानंतर तुमच्याविषयी दिसत असलेली माहिती योग्य आहे का, हे नीट तपासा
- जर सर्व माहिती योग्य असेल तर ‘I verify that the above details are correct.’ या ऑप्शनवर क्लिक करा.
- जर तुम्हाला माहिती अपडेट करायची असेल तर तुमच्या मेनूमधून माहिती अपलोड करा.
- प्रत्येक फाइल 2 MB पेक्षा कमी आणि JPEG, PNG किंवा PDF फॉरमॅटमध्ये असल्याची खात्री करा.
- निवडलेले कागदपत्र अपलोड करा. सर्व माहितीचे पुन्हा तपासा. तुमचा आधारकार्ड अपडेट करण्यासाठी सबमिट बटणवर क्लिक करा.
