scorecardresearch

Premium

मोठी बातमी! ‘महादेव’ बेटिंगसह २२ अनधिकृत अ‍ॅप अन् संकेतस्थळांवर केंद्र सरकारची बंदी

गेल्या काही दिवसांपासून ‘महादेव’ बेटिंग अ‍ॅपवरून आरोप-प्रत्यारोप सुरू आहेत.

Centre orders blocking of Mahadev betting app
‘महादेव’ बेटिंग अ‍ॅपवर केंद्र सरकारची बंदी ( संग्रहित छायाचित्र )

‘महादेव’ या ऑनलाइन बेटिंग अ‍ॅप बाबत केंद्र सरकारनं मोठा निर्णय घेतला आहे. ‘महादेव’ बेटिंग अ‍ॅपसह २२ अनधिकृत अ‍ॅप आणि संकेतस्थळांवर सरकारनं बंदी घातली आहे. केंद्र सरकारच्या माहिती आणि तंत्रज्ञान मंत्रालयानं हा निर्णय घेतला आहे.

सक्तवसुली संचलनालयाकडून ‘महादेव’ बेटिंग अ‍ॅपसंबंधात चौकशी सुरू आहे. त्याच पार्श्वभूमीवर ईडीनं केलेल्या विनंतीनंतर माहिती आणि तंत्रज्ञान मंत्रालयानं कलम ६९ अ अंतर्गत बंदीचा आदेश जारी केला आहे.

pimpri police commissioner office marathi news, pimpri police commissioner office latest news in marathi
पिंपरी : अखेर पाच वर्षांनी पोलीस आयुक्तालयाला मिळाली हक्काची जागा, ‘या’ ठिकाणी होणार आयुक्तालय
Maharashtra State Electricity Board, Contract Workers, Strike, Supported, Permanent Employees organization
राज्यात वीज चिंता! कंत्राटी वीज कर्मचाऱ्यांच्या आंदोलनात ७ कायम संघटनांची उडी
Gondia, Tragic Accident, Car Veers, Canal, Three Killed, Pangaon, Salekasa,
गोंदिया : भाविकांची अनियंत्रित कार कालव्यात कोसळली; तिघांचा पाण्यात बुडून मृत्यू
The Nifty index hit a record high of 22000
तेजीमय आगेकूच चौथ्या सत्रापर्यंत; ‘निफ्टी’ची २२ हजारांवर पुन्हा चढाई

माहिती आणि तंत्रज्ञान मंत्री राजीव चंद्रशेखर यांनी छत्तीसगड सरकारवर टीका केली आहे. राजीव चंद्रशेखर म्हणाले, “छत्तीसगड सरकारला कलम ६९ अ कायद्याअंतर्गत अ‍ॅप आणि संकेतस्थळे बंद करण्याची विनंती करण्याचा अधिकार होता. पण, सरकारकडून कुठलाही प्रतिसाद मिळाला नाही. गेली दीड वर्षे छत्तीसगड सरकार यासंबंधी चौकशी करत आहे. पण, ईडीनं केलेल्या विनंतीनंतर संबंधित अ‍ॅपवर कारवाई करण्यात आली आहे.”

‘महादेव’ या ऑनलाइन बेटिंग अ‍ॅपच्या प्रवर्तकांनी छत्तीसगडचे मुख्यमंत्री भूपेश बघेल यांना आतापर्यंत ५०८ कोटी रुपये दिल्याचा दावा सक्तवसुली संचालनालयाने (ईडी) शुक्रवारी ( ३ नोव्हेंबर ) केला. तसेच हे प्रकरण चौकशीच्या कक्षेत येत असल्याचे सांगितले.

“मुख्यमंत्री बघेल यांनी दुबईला जाण्यास सांगितलं”

‘महादेव’ बेटिंग अ‍ॅपप्रकरणी ईडीनं फरार घोषित केलेल्या शुभम सोनीनं दुबईतून व्हिडीओ प्रसारित केला आहे. व्हिडीओच्या माध्यमातून शुभम सोनीनं मुख्यमंत्री भूपेश बघेल यांच्यावर गंभीर आरोप केलेत. तसेच, ‘महादेव’ बेटिंग अ‍ॅपचा मालक असल्याचंही शुभम सोनीनं सागितलं. “मुख्यमंत्र्यांनी बुकीचं काम वाढवण्याच्या सूचना दिल्या आणि दुबईला जाण्यास सांगितलं,” असं शुभम सोनीनं म्हटलं आहे.

Latest Comment
View All Comments
Post Comment

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Centre orders blocking 22 illegal apps and website including mahadev betting app ssa

First published on: 05-11-2023 at 22:10 IST

संबंधित बातम्या

तुम्ही या बातम्या वाचल्या आहेत का? ×