Do Not Keep This Electronic Items : नवीन उपकरणे घेतल्यानंतर लोक जुनी उपकरणे जसे फोन, राऊटर्स इत्यादी वस्तू एकतर विकून टाकतात किंवा घरीच ठेवतात. ही उपकरणे दीर्घकाळ ठेवल्यास धोकादायक ठरू शकतात. त्यामुळे ही उपकरणे घरातून काढून टाकली पाहिजेत. कोणती आहेत ही उपकरणे? जाणून घेऊया. १) जुने राऊटर्स जुने राऊटर्स तुमच्यासाठी समस्या उभी करू शकतात. जुन्या मॉडेलचा वापर असुरक्षित ठरू शकतो. नवीनतम सुरक्षा मानक WPA-3 आहे जे २०१८ मध्ये प्रसिद्ध झाले होते. तुमच्या राऊटरमध्ये WPA-3 किंवा कमीत कमी WPA2-PSK AES सिक्युरिटी सपोर्ट नसेल तर त्यास तातडीने बदला. नवीन राऊटर तुम्हाला सुरक्षित कनेक्शन देईल आणि इंटरनेटची गती देखील वाढवण्यात मदत करेल. (Christmas 2022 : ख्रिसमसचा आनंद आणखी वाढवतील हे बजेट फ्रेंडली Gadgets, प्रियजनांना द्या गिफ्ट) २) जुने फोन्स नवीन स्मार्टफोन घेतल्यानंतर जुना स्मार्टफोन लोक घरात ठेवतात किंवा वापर नसल्याने तो घरात पडून असतो. दीर्घकाळ घरात असणारे असे फोन्स तुमच्यासाठी धोकादायक ठरू शकतात. बॅटरी फुलने ही एक गंभीर समस्या आहे, जी ठराविक वेळेनंतर अनेक जुन्या फोनमध्ये दिसून येते. बॅटरीमध्ये स्फोट होऊ शकतो. तुमच्याकडे वापरात नसलेला फोन असल्यास तुम्ही त्यास एक्सचेंज करू शकता किंवा रिसायकलसाठी देऊ शकता. जुने फोन वापरणे प्रायव्हसीसाठी देखील धोकादायक ठरू शकते. ३) एक्सटेंशन बोर्ड तुमच्या घरात दीर्घकाळ वापरात असलेले एक्सटेंशन बोर्डही धोक्याचे ठरू शकते. अशा बोर्डचा वापर केल्यास शॉर्ट सर्किट होऊ शकतो. म्हणून जुना एक्सटेंशन बोर्ड वापरण्याऐवजी नवीन खरेदी करा.
