FIFA World Cup 2022: फिफाचा आनंद होईल द्विगुणित, फॉलो करा ही अ‍ॅप्स; आवडता खेळाडू, संघ आणि सामन्यांबाबत मिळेल इत्थंभूत माहिती

१) फॅटमोब

फॅटमोब अ‍ॅपमध्ये प्रवेश करताना तुमचे आवडते खेळाडू, संघ यांना निवडण्याचा पर्याय दिला जातो. त्यानंतर निवडलेल्या खेळाडू, संघाबाबत हे अ‍ॅप सर्व माहिती देते. अ‍ॅप तुम्हाला स्कोअर, दुखापतीबाबत आणि आगामी सामन्यांबाबतही माहिती देते. फॅटमॉब होमस्क्रिनवर लावण्यासाठी विजगेटही देते. यातून तुम्ही सामने आणि खेळाडूंबाबात माहिती मिळवू शकता.

(5G फोन हवा आहे, पण बजेट केवळ १५ हजार? मग ‘हे’ 3 आकर्षक फोन ठरू शकतात चांगले पर्याय)

२) गुगल सर्च

गुगल सर्च अ‍ॅपमधील विशेष स्पोर्ट संबंधी फीचरने तुम्हाला तुमच्या आवडत्या संघांचा मागोवा घेता येते. बातम्यांच्या माध्यामातून हे अ‍ॅप तुम्हाला अपडेटेड ठेवते. आवडता खेळाडू किंवा संघाबाबत माहिती मिळवण्यासाठी तुम्हाला संर्च करावे लागेल. आवडत्या सामान्याचा स्कोअर जाणून घेण्यासाठी तुम्ही होमपेजला लाईव्ह मॅच स्कोअर पीन करू शकता.

३) फिफा प्लस

अधिृकत, विश्वासार्ह माहिती मिळण्यासाठी फिफा प्लस अ‍ॅप चांगला पर्याय आहे. या अपॅद्वारे तुम्हाला खेळाडू, संघ आणि सामन्यांबाबत विश्वासार्ह माहिती मिळू शकते. तुम्ही मॅच पाहत नसाल तरी तुमचे मनोरंजन होऊ शकते. अ‍ॅपमध्ये बरेच ओरिजिनल कंटेट मिळत असून अ‍ॅपचे स्वत:चे फॅन्टसी गेम देखील आहे.

(युजरशिवाय इतर कोणीही चॅट्स पाहू शकणार नाहीत, व्हॉट्सअ‍ॅप ‘या’ फीचरवर करतंय काम)

४) वर्ल्ड फुटबॉल स्कोअर

यादीतील हे सर्वात सोपे अ‍ॅप आहे. वर्ल्ड फुटबॉल स्कोअर तुम्हाला तुमचा आवडता खेळाडू किंवा संघ निवडण्याबाबत विचारत नाही. संपूर्ण स्पर्धेबाबत हे अ‍ॅप माहिती देते. सामने, गट सारण्या, बातम्यांसाठी मुख्य स्क्रीनवर टॅब्स देण्यात आले आहेत. सेटिंग्समध्ये गेल्यास काही निवडक संघांबाबतचे पुश नोटिफिकेशन तुम्ही सुरू किंवा बंद करू शकता.

५) वन फुटबॉल

वन फुटबॉल अ‍ॅप वर्ल्ड कप, यूईएफए चॅम्पियन लिग आणि इतर स्पर्धांबाबतही आढावा देते. हे अ‍ॅप तुम्हाला अँड्रॉइड होमस्क्रिनसाठी एक विजगेट देते. या विजगेटद्वारे तुम्ही सामान्याबाबत माहिती मिळवू शकता.