Realme एक मोबाईल उत्पादक कंपनी आहे. रिअलमीने भारतात अखेर Realme 11 Pro 5G सिरीज लॉन्च केली आहे. रिअलमीने या सिरीजअंतर्गत Realme 11 Pro 5G आणि Realme 11 Pro+ 5G हे दोन स्मार्टफोन लॉन्च केले आहेत. हे दोन रिअलमी स्मार्टफोन चीनमध्ये मे २०२३ मध्येच लॉन्च करण्यात आले आहेत. या दोन्ही फोनच्या फीचर्सबद्दल, किंमतीबाबदल जाणून घेऊयात.
Realme 11 Pro 5G आणि Realme 11 Pro+ 5G चे फीचर्स
रिअलमीच्या ११ प्रो या सिरीजमधील या दोन्ही फोनमध्ये वापरकर्त्यांना ६.७ इंचाचा फुलएचडी कर्व्ह डिस्प्ले देण्यात आला आहे. डिस्प्लेच्या स्क्रीनचा टच सॅम्पलिंग रेट ३६० Hz इतका आहे. रिअलमी ११ प्रो आणि रिअलमी ११ प्रो + स्मार्टफोनमध्ये ड्युअल नॅनो सिम सपोर्ट करते. दोन्ही फोनमध्ये ऑक्टा-कोर 6nm मीडियाटेक डाइमेंसिटी 7050 प्रोसेसर ग्राफिक्ससाठी Mali-H68 GPU देण्यात अले आहे. हे दोन्ही डिव्हाईस १२ जीबी रॅम आणि ५१२ जीबी इंटर्नल स्टोरेजसह लॉन्च करण्यात आले आहेत. हे दोन्ही फोन अँड्रॉइड १३ वर आधारित Realme UI 4.0 स्किनसह येतात. याबाबतचे वृत्त इंडिया टूडेने दिले आहे.
हेही वाचा : ChatGpt चे निर्माते सॅम ऑल्टमन घेणार पंतप्रधान नरेंद्र मोदींची भेट; जाणून घ्या सविस्तर
कॅमेऱ्याबद्दल बोलायचे झाल्यास Realme 11 Pro 5G, Realme 11 Pro+ 5G मध्ये ड्युअल रिअर कॅमेरा सेटअप देनाय्त आला आहे. रिअलमी प्रो ५जी मध्ये OIS सह १०० मेगापिक्सलचा प्रायमरी आणि २ मेगापिक्सलचा दुसरा सेन्सर देण्यात आला आहे. तसेच सेल्फी आणि व्हिडिओसाठी १६ मेगापिक्सलचा सेल्फी कॅमेरा देण्यात आला आहे.
Realme 11 Pro+ 5G या फोनच्या कॅमेऱ्याबद्दल बोलायचे झाल्यास यामध्ये २०० मेगापिक्सलचा कॅमेरा Samsung HP3 प्रायमरी सेंसरसह येतो. हा सेंसर Super OIS सपोर्ट देतो. तसेच ८ मेगापिक्सलचा अल्ट्रा वाईड अँगल लेन्स आणि २ मेगापिक्सल मॅक्रो सेंसर मिळतात. सेल्फीसाठी ३२ मेगापिक्सलचा कॅमेरा ग्राहकांना मिळणार आहे. दोन्ही फोनमध्ये ५००० mAh ची बॅटरी देण्यात आली आहे. तर प्रो + व्हेरिएंटमध्ये १००W SuperVOOC चा फास्ट चार्जिंग सपोर्ट तर रिअलमी प्रो मध्ये ६७ W चा चार्जिंग सपोर्ट मिळतो.
हेही वाचा : आता भारतात Facebook आणि Instagram वर मिळेल ब्लू टिक; इतके पैसे मोजावे लागणार
काय असणार दोन्ही फोनची किंमत ?
Realme 11 pro + च्या ८/२५६ जीबी व्हेरिएंटची किंमत २७,९९९ रुपये आहे. तर १२/२५६ जीबी व्हेरिएंटची किंमत २९,९९९ रुपये इतकी आहे. या फोनची विक्री Amazon, Realme ची अधिकृत साईटवर आणि रिटेल स्टोअरमध्ये १५ जूनपासून सुरू होणार आहे. Realme 11 Pro+ 5G च्या ८/२५६ जीबी या व्हेरिएंटची किंमत २७,९९९ रुपये ठेवण्यात आली असून, १२/२५६ जीबी व्हेरिएंटची किंमत २९,९९९ रुपये असणार आहे.
