Tech Layoffs: गुगल मायक्रोसॉफ्टनंतर आता ‘ही’ टेक कंपनी १,६०० कर्मचाऱ्यांना कामावरून काढणार!

Yahoo Inc कंपनीने टाळेबंदीची घोषणा केली आहे. ही कंपनी आपल्या एकूण कर्मचाऱ्यांपैकी २० टक्के किंवा त्यापेक्षा जास्त कर्मचाऱ्यांना कामावरून काढू शकते. जाहिरात तंत्रज्ञान विभागाची मोठ्या प्रमाणात पुनर्रचना करण्यासाठी कंपनीने हे पाऊल उचलले आहे.

हेही वाचा : Tech Layoffs: गुगल, फिलिप्सपाठोपाठ आणखी एका टेक कंपनीचा कामगारांना धक्का, ६६५० जणांची नोकरी जाणार

याहू कंपनी एका युनिटमधून तिच्या एकूण कर्मचाऱ्यांपैकी २० टक्के किंवा त्यापेक्षा जास्त कर्मचाऱ्यांना कामावरून काढू शकते. म्हणजेच कंपनी १,६०० कर्मचाऱ्यांना कामावरून काढून टाकणार आहे. या कपातीमुळे Yahoo च्या ५० टक्क्यांपेक्षा जास्त परिणाम हा जाहिरात तंत्रज्ञान विभागाच्या होणार आहे.

गुरुवारी याहूमध्ये काम करणाऱ्या सांगण्यात आले होते की, १२ टक्के कर्मचाऱ्यांना म्हणजे जवळजवळ १,००० जणांना कामावरून कमी केले जाणार आहे. तसेच येत्या ६ महिन्यांत कंपनी उर्वरित ८ टक्के म्हणजे ६०० कर्मचाऱ्यांना कामावरून कमी करेल.