महागडी ऐश

महागडे स्मार्टफोन बाजारात येतात आणि तंत्रज्ञानाचा अनोखा अविष्कार दाखवून जातात. हे फोन प्रत्येकाला घ्यावेसे वाटतात पण खिशाला परवडतातच असे नाहीत. या फोन्सच्या माध्यमतून येणारे तंत्रज्ञान हे मात्र नक्कीच विकसित होताना दिसत आहे. नोकिया लुमिया १०२० या फोनच्या बाबतीतही आपण असेच काही म्हणू शकतो.
नोकियाने लुमिया नावाने स्मार्टफोनमध्ये उडी घेतली आणि सॅमसंग, अ‍ॅपल या ब्रँडच्या तितकेच तंत्रज्ञान असलेल्या फोन्सना यामुळे धक्का बसला. नोकियाने सुरूवातीला आणलेले स्वस्त आणि मस्त फोनमधून महागडय़ा फोनच्या बाजारात उडी घेतली आणि नवे तंत्रज्ञान बाजारात आणले. नोकिया लुमिया १०२० या फोनची चर्चा सध्या बाजारात मोठय़ाप्रमाणावर सुरू आहे.
ती यातील ४१ मेगापिक्सेलच्या कॅमेरामुळे. म्हणजे हा कॅमेरामध्ये फोन आहे की फोनमध्ये कॅमेरा असा प्रश्न सर्वाना पडू लागला आहे. त्याचबरोबर यामध्ये देण्यात आलेल्या नोकिया ८०८ प्युअर यामुळे या फोनला अनोखे महत्त्व मिळाले आहेत.
ऑपरेटिंग सिस्टिम
यामध्ये आपल्याला विंडोज ८ अंबर ही ऑपरेटिंग सिस्टिम देण्यात आली असून यामध्ये लुमियाच्या आधीच्या सिरीजपेक्षा फार काही वेगळे नसल्याने ही सिस्टिम वापरताना खूप वेगळा असा अनुभव येत नाही. याशिवाय यामध्ये नोकियाने तयार केलेले काही खास अ‍ॅप देण्यात आले आहेत. यामध्ये आपल्याला फेसबुकसारख्या अ‍ॅपमधील सर्व सुविधा वापरता येत नाहीत. ही यातील मोठी त्रूटी आहे. हेच अ‍ॅप आपल्याला आयफोन आणि अँड्रॉइडवर अधिक चांगल्याप्रकारे वापरता येते.
बॅटरी लाइफ
फोनमधील प्रोसेसर १.५गीगाहार्टझ डय़ुएल कोर असून यामध्ये दोन जीबीची रॅम आहे. याशिवाय यामध्ये जास्त मेगापिक्सेलचा कॅमेरा अशा अनेक अत्याधुनिक सुविधा आहेत. हे सर्व लक्षात घेता याची बॅटरी बनविण्यात आली असून ती आपल्याला एक पूर्ण दिवस वापरता येऊ शकते. यामध्ये आपण थ्रीजी नेटवर्क वापरले तरी बॅटरी तुलनेत कमी खर्च होत असते. यामुळे इतर कंपन्यांच्या मोबाइलच्या तुलनेत याचा बॅटरीचा परफॉर्मन्स खूप चांगला आहे.
डिस्प्ले
या फोनचा डिस्प्ले ४.५ इंचांचा असून तो ७८६ बाय १२८० पिक्सेलचा आहे. हा डिस्प्ले गोरीला ग्लाससह एएमओएलईडीचा आहे. हा डीस्प्ले या आधी एचटीसी वनमध्ये वापरण्यात आला होता. यामुळे आपल्याला फोनचा व्’ाू अधिक चांगल्या प्रकारे पाहता येऊ शकतो. ही स्क्रीन सुपर सेन्सेटिव्ह असून ही स्क्रील आपण ग्लोव्ह्ज घातले किंवा पेनचा वापर तुम्ही स्टायलस म्हणूनही करू शकता.
कॅमेरा
या फोनमधील कॅमेराबाबत सर्वज्ञात आहे. कारण यामध्ये ४१ मेगापिक्सेलचा कॅमेरा आहे. पण प्रत्यक्षात यातील पिक्सेल हे फोटो तुम्ही ४:३ किंवा १६:९ मोडपैकी कोणत्या मोडवर काढता यावर हे अवलंबून असते. या मोडमध्ये तुम्हाला अनुक्रमे ३८ आणि ३४ मेगापिक्सेलचा दर्जा असलेला फोटो मिळतो. यामध्ये फोनमध्ये देण्यात आलेल्या नोकिया प्रोकॅम या अ‍ॅपमुळे फोटो पाहणे अनेकदा जिकीरीचे होते. यामध्ये आणखी एक विशेष बाब म्हणजे कॅमेराचे हार्डवेअर कंपनीने अधिक चांगले केले आहे. मात्र त्यासोबत दिलेले सॉफ्टवेअर मात्र पुरेसे नसल्याने कॅमेरा वापरताना अनेक अडचणींना सामोरे जावे लागते.
किंमत  याची किंमत गॅलेक्सी नोट ३च्या तुलनेत जास्त असून ती ४९ हजार ९९९ रूपये इतकी आहे.