दुरुस्तीच्या कारणास्तव गेल्या शनिवारपासून साकेत पुलावरील वाहतूक तुर्त थांबविण्यात आली. वाहतूक विभागाने आठवडाभरापूर्वीच त्यासंदर्भात सूचना दिल्या होत्या. मात्र तरीही त्यापासून अनभिज्ञ असलेल्या काही नागरिकांचा घोळ झाला. पुलाच्या कामाविषयी कोणतीही कल्पना नसलेल्यांना ‘काम सुरू, रस्ता बंद’चा फलक पाहून मागे फिरावे लागले. त्यात लग्नाचा मुहूर्त गाठण्यास निघालेला एक नवरदेवही होता. पादचाऱ्यांनी मात्र या पसाऱ्यातूनही वाट काढली..
