कल्याण: उकाडा वाढू लागल्यापासून मध्य रेल्वेच्या बदलापूर, टिटवाळा, कल्याण रेल्वे स्थानकातून सुटणाऱ्या वातानुकूलित लोकलमध्ये आता वर्दीतील पोलीस, रेल्वे कर्मचारी यांची संख्या वाढू लागली आहे. हे कर्मचारी जागा बळकावून बसत आहेत. त्यामुळे दोन ते अडीच हजार रूपयांचा गारेगार लोकलचा रेल्वे पास काढणाऱ्या प्रवाशांना उभे राहून प्रवास करावा लागत आहेत.

गारेगार लोकलमधून अनेक व्याधीग्रस्त, रुग्ण प्रवासी प्रवास करत असतात. त्यांना लोकलमध्ये चढल्यानंतर बसण्याची खूप गरज असते. परंतु, अगोदर आसनांंवर पोलीस गणवेशात आणि रेल्वे कर्मचारी ऐटीत लोकलमध्ये बसत असल्याने पासधारक प्रवाशांना उभ्याने प्रवास करावा लागत असल्याच्या तक्रारी वाढत आहेत. गणवेशात महिला, पुरूष पोलीस प्रवास करत असल्याने प्रवासी नाहक त्यांच्याशी वाद घालत नाहीत. परंतु, डब्यात अने्क रुग्ण प्रवासी उभ्याने प्रवास करत आहेत हे माहिती असुनही मोफत प्रवासाची सुविधा असणारे रेल्वे, पोलीस कर्मचारी आपले आसन सोडण्यास तयार होत नाहीत. या विषयावरून गारेगार लोकलमध्ये प्रवाशांंचे महिला, पुरूष पोलीस कर्मचारी आणि रेल्वे कर्मचाऱ्यांबरोबर वादाचे प्रसंंग सुरू झाले आहेत. पोलिसाबरोबर वाद घातला तर तो आपणास नाहक गुन्ह्यात अडकवेल या भीतीेने त्यांच्याशी वाद घालण्यास कोणी तयार होत नाही. परंतु, आता काही प्रवासी मात्र याविषयी आक्रमक झाले आहेत.

Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
Diva staion Escalator Goes In Opposite Direction Suddenly Panics Commuters shocking video
दिवा स्टेशनवर ऐन गर्दीत सरकता जिना अचानक उलटा फिरला अन्…प्रवाशांनो ‘हा’ VIDEO एकदा बघाच
dawood bandu khan arrested marathi news
मुंबई: अखेर ४० वर्षांनंतर दाऊदला अटक
Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
Live accident chiplun bike and auto dangerous accident captured in cctv two injured video
VIDEO: चिपळूणमधला थरारक लाईव्ह अपघात; रिक्षाचालकाचा यूटर्न अन् भयंकर शेवट, सांगा चूक नक्की कुणाची?
UP 10th Standard Topper Girl Prachi Nigam Facial Hair Controversy
अगं प्राची, दहावी बोर्डात पहिली आलीस पण चेहऱ्यावरचे केस काढता आले नाही? नक्की लाज कुणी सोडलीये?
Mehul Prajapati Canada
वर्षाला ८१ लाख रुपये पगार, तरीही मोफत अन्नावर मारायचा ताव; व्हिडिओ व्हायरल झाल्यानंतर नोकरी गमावली

हेही वाचा : ठाणे: दोन लाख रुपयांच्या लाचेप्रकरणी पोलीस अधिकाऱ्यासह दोघे ताब्यात

हे कर्मचारी एकदा गारेगार लोकलमध्ये आसनावर बसले की मोबाईलमध्ये डोके खुपसून बसतात. आपल्या आजुबाजुला वृध्द, ज्येष्ठ, कमरेला, गळ्याला पट्टा लावलेला रुग्ण उभा आहे. त्याला बसण्यासाठी जागा द्यावी, असा थोडासाही विचार करत नसल्याच्या तक्रारी प्रवाशांनी केल्या आहेत. गारेगार लोकलमध्ये डब्यात जागा खाली असेल तर रेल्वे, पोलीस कर्मचाऱ्यांंनी जरूर बसावे पण आता टोळक्याने पोलीस गारेगार लोकलमधील खिडक्यांंच्या जागा पकडून प्रवास करताना दिसत आहेत. अशीच परिस्थिती रेल्वे कर्मचाऱ्यांची आहे.

रेल्वे कर्मचाऱ्यासाठी स्वतंत्र लोकल आहे. त्या लोकलमधून रेल्वे कर्मचाऱ्यांंनी प्रवास करावा, असे प्रवाशांंचे म्हणणे आहे. आता गारेगार लोकलमध्ये तिकीट तपासणीस येत नाहीत, त्यामुळे रेल्वे कर्मचारी, पोलीस यांच्यामधील वाद मिटविण्यासाठी कोणी पुढाकार घेत नाही. हा वाद शिगेला पोहचण्यापूर्वीच रेल्वे प्रशासनाने आपल्या रेल्वे कर्मचाऱ्यांसाठी आणि गृह विभागाने पोलिसांसाठी प्रवास करतानाच्या घ्यावयाची खबरदारी याविषयी मार्गदर्शक सूचना जाहीर करण्याची मागणी प्रवाशांकडून केली जात आहे.

हेही वाचा : डोंबिवलीत वडिलांकडून व्यसनी मुलाचा खून

वातानुकूलित लोकल मधून प्रवास करताना प्रवासी दीड ते अडीच हजार रुपयापर्यंत पास काढतात. अशा प्रवाशांना गारेगार लोकलमधील पोलीस, रेल्वे कर्मचाऱ्यांच्या गर्दीमुळे बसण्यास मिळत नसेल तर ते अन्यायकारक आहे. पोलीस, रेल्वे कर्मचारी गारेगार लोकल मधून मोफत प्रवास करतात त्यामुळे त्यांनी पास धारक कर्मचाऱ्यांना प्रथम प्राधान्य द्यावे.

लता अरगडे (अध्यक्ष, उपनगरीय महिला रेल्वे प्रवासी महासंघ)