21 January 2021

News Flash

जुन्या ठाण्याच्या पुनर्विकासाला चालना

प्रस्तावाला नगरविकास विभागाची मान्यता

(संग्रहित छायाचित्र)

ठाणे शहरातील अधिकृत जुन्या आणि धोकादायक इमारतींच्या पुनर्विकासात अडसर ठरत असलेल्या ३४ रस्त्यांच्या रुंदीकरणाच्या प्रस्तावास अखेर राज्य शासनाच्या नगरविकास विभागाने हिरवा कंदील दाखविला आहे. यामुळे शहरातील नौपाडा, कोलबाड, राबोडी आणि कळवा भागांतील सुमारे पाच हजारांहून अधिक अधिकृत जुन्या आणि धोकादायक इमारतींच्या पुनर्विकासाला चालना मिळणार आहे.

ठाण्यातील नौपाडा, उथळसर, खारटन रोड, चरई, कोलबाड आणि राबोडी हे परिसर जुने ठाणे म्हणून ओळखले जातात. महापालिकेच्या विकास आराखडय़ानुसार या भागात सहा मीटरपेक्षा कमी रुंदीचे रस्ते आहेत. या अरुंद रस्त्यांमुळे वाहतूक कोंडीची समस्या निर्माण होतेच. पण, राज्य सरकारने तयार केलेल्या नव्या विकास हस्तांतरण हक्क (टीडीआर) धोरणामुळे येथील अधिकृत इमारतींचा पुनर्विकास रखडला होता. जुन्या ठाण्यातील दोन इमारतींमधील रस्ता किमान नऊ  मीटरचा हवाच, असा नियम राज्य सरकारने काढला होता. या नियमामुळे येथील इमारतींचा पुनर्विकास रखडला होता. या पार्श्वभूमीवर महापालिकेने शहरातील अशा रस्त्यांची यादी तयार करून ते नऊ मीटरचे करण्याचा प्रस्ताव तयार केला होता. कळवा परिसरातही अशीच काहीशी परिस्थिती होती. त्यामुळे या प्रस्तावात कळव्याचाही समावेश करण्यात आला होता. एकूण ३४ रस्त्यांचा हा प्रस्ताव होता.

त्यास सर्वसाधारण सभेने मान्यता देऊन शासनाच्या नगरविकास विभागाकडे मान्यतेसाठी पाठविला होता. त्यास नगरविकास विभागाचे मंत्री एकनाथ शिंदे यांनी मान्यता दिली असून यामुळे येथील अधिकृत जुन्या आणि धोकादायक इमारतींच्या पुनर्विकासाचा मार्ग मोकळा झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 26, 2020 12:14 am

Web Title: promoting redevelopment of old thane abn 97
Next Stories
1 बेपत्ता मुलीच्या शोधासाठी पोलीस अभिनेत्याच्या भूमिकेत
2 महात्मा फुले योजनेचे लाभार्थी कोण?
3 दर निश्चित असतानाही रुग्णांची आर्थिक लूट
Just Now!
X